|
|
Көн мәзәге
![]()
|
Бүген кемнәр туган
|
|
|
Архив
|
01.12.2025 Шоу-бизнес
Марат Яруллин - 1 млн, Сәйдә - 300 мең, Фирдүс - 700 мең. Артистлар Яңа елда ничә сумга җырлый?Татар җырчылары Яңа ел корпоративларында ничә сумга чыгыш ясый? «БИЗНЕС Online» электрон басмасы шуны барлаган. Элвин Грейны чакырсаң, 1,5 сум чыгарып саласы. Бу бәягә ул сәгать ярым чыгыш ясаячак. Соңгы елларны бу бәя үзгәрмәгән, ди. Ришат Төхвәтуллин 1 млн сум сорый. Узган елгы бәясен ике тапкырга арттырган.
Марат Яруллин да 1 млн сумга йөри. Электрон басма язуынча, Марат хәзер топ-3 беренчелегенә керә.
Фирдүс Тямаевның да бәясе үзгәрмәгән. Узган елдагыча, 700 мең сум. Әмма, җырчы әйтүенчә, кешесенә карап, ул арзанракка да килергә мөмкин. 40 минут чыгыш урынына сәгать ярым да җырларга мөмкин һәм моның өчен өстәмә түләү сорамаячак.
![]() Графика: «БИЗНЕС Online»
Филюс Каһиров үз бәясен әйтмәгән. Әмма, шул өлкәдә эшләүчеләр бәяне фаш иткән: 200-250 сум ди.
Салават Фәтхетдинов Яңа ел чыгышы өчен 350-400 мең сум ала.
Айдар Галимов – 350-500 мең сум. Әмма Уфа-Казан арасы өчен юл чыгымнары өстәячәк.
Рөстәм Асадуллинның Яңа ел гонорары 100-150 мең сум.
Илсөя Бәдретдинова – хатын-кызлар арасында иң кыйммәт җырчы. 800 мең сумнан 1 млн сумга кадәр ала. Узган ел бу сан күпкә ким булган.
Гүзәл Уразованың чыгышы 100 мең дә булырга мөмкин, 300 мең дә, имеш.
Сәйдә Мөхәммәтҗанова Яңа елда 300 меңнән чыгыш ясый. “Быел 5 җыр башкарган өчен 500 мең түләргә риза булган кешеләр дә бар иде”, - дигән җырчы.
Эльмира Кәлимуллинаны Яңа елга чакырсаң, 400 мең сумыңны әзерлә.
“Ямьле” төркеме 500 мең сумнан чыгыш ясый, имеш.
Иркә – 150-200 меңгә.
Алинә Шәрипҗанова да шул ук бәя.
Данир Сабиров 14 кешелек команда белән 500 мең сумга йөри, дип язалар. Әмма җырчы буларак кына түгел, алып баручы буларак та.
Гөлназ Сәфәрованың гонорары 150 мең сум.
Стендап остасы Артур Шамгунов 250 меңгә көлдерәчәк.
Айдар Садыйков исә “күпме түлиләр, шуңа ризамын” дигән.
Фото: «БИЗНЕС Online»
--- |
Иң күп укылган
|