Ана капиталын ник тулысынча бирмиләр?

РФ Социаль фондының Татарстан буенча бүлегенең Азнакай районы бүлекчәсеннән болай дип аңлаттылар:

 

— Балаларына 3 яшь тулган булса, йорт төзү өчен Ана капиталы акчасы икегә бүлеп бирелә. Алар башта төзелеш өчен рөхсәт һәм 50 % сумманы ала. Беренче өлешне алып, башкарган эшләре (нигезе, стена, тәрәзәләре, түбәсе) өчен акт алып киләләр. Аннан соң калган 50 %ы бирелә. Балага 3 яшь тулмаса, болай 50 гә 50 итеп алу каралмаган. Ул очракта Ана капиталы белән төзелеш, торак өчен банктан алган кредитны ябып яки беренчел кертем итеп кулланып була. 3 яшь тулганчы, акча сертификатка ия кешенең үзенә турыдан-туры күчерелми.