Иркәнең Сочида төшерелгән «Океан» исемле клибы чыкты (ВИДЕО)

"31 майда төркем белән Сочига чыгып киттек. Составның бер өлеше самолетта очты. Трассада машина ватылды. Ремонт кыйбатка төште инде. Ярый әле концертка барганда түгел. Сочига “Океан” дигән җырга клип төшерергә бардык", - ди Иркә.

- Анда соңга калсак та, куркыныч түгел иде. 200 км га якын таулардагы бормалы юллардан барырга туры килде.

Минем өчен бик авыр булды, күңел болганды. Йорт арендаладык, ашарга үзебез пешердек. Өйалдындагы бассейнда йөздек. Эшне ял белән бергә алып бардык. Кунакханә, парклар янында клип төшерү өчен рөхсәт кирәк икән, хатлар язарга туры килде. Команда белән бер йодрык булып, ялт иттереп эшләп чыктык. Аннан салкын диңгезгә төшеп чумдык.

Маҗаралар болар белән генә бетмәде. Самолет белән кайтучылар кафеда утырып, 1-2 минутка рейска соңга калган.

Аннары арзан билет табып, бездән соң гына кайтып җиттеләр. Шулай итеп, дүрт-биш көнлек эшлекле сәяхәт вакытында ниләр генә кичермәдек. Арысам да, эшемне бик яратам.

Җырның авторлары – Айгөл Вәлиуллина белән Рамил Әсәдуллин.