«Декреттагы гламур әни» Альбина Сөләйманова: «Яшьләрнең күбесе бертөрле киенә»

– Мин үземнең яшьтәгеләрне күздә тотып сүз йөртермен инде. Бәя бирү дә минем өчен бик авыр. Миллениаллар арасында зәвыклы итеп киенүчеләр күп түгел, ә кызыклы образлар уйлап табучылар тагын да азрак. Аларның һәрбересен беләбез кебек. Шоурумнар, блогерлар, мода өлкәсендәге идоллар тараткан трендларны гаепләргә кирәктер, чөнки яшьләрнең күбесе бертөрле киенә. Экспериментларга бармый, шул блогерларга таянып, «Ctrl+C-Ctrl+V» ысулы белән киенә. Кием аша эчке дөньяңны күрсәтү дигән әйбер бар бит, мин менә шул яклы, шәхсән.

 

 

– Юк, беркайчан да андый позициядә булмадым. Казанда кая карама – стилист. Миңа бу якын түгел. Мин үземне «модница» дип әйтә алам. Кием сайларга, фотога төшәргә яратам. Ә, чынлыкта, стилистлар шәһәребездә күп түгел.

 

 

 

– Ася Бажан, Елена Зарипова, Сабина исемле тагын бер туташ бар иде, хәзер, кызганыч, мода индустриясеннән китте бугай.

 

 

 

– Мин Түбән Кама шәһәреннән. Ике туган сеңелләремнең берсе – Лондонда, берсе Швейцариядә тора иде. Алар һәрвакыт кызыклы итеп киенделәр. Үзләре киеп туйган әйберләрен миңа җибәреп бардылар. 20 ел элек соры кечкенә шәһәрдә шәмәхә төстәге тун, алтын төсендәге аяк киеме белән йөрдем. Туганнарымның зәвыклары искиткеч иде. Шуңа минем дә ул вакыт өчен туган шәһәрнең бер почмагында да очрата алмаслык, Кытай, Цюрих, Копенгаген һәм бөтен дөнья буйлап җыелган әйберләрдән торган гардеробым тупланды. Әлбәттә, Түбән Камада мине аңлаучылар булмады, сыйныфташларым сәер киенүемнәе көлә иде. Ул вакытта беренче «хейт» аша үттем! Җирле «клоун» дәрәҗәсендә йөрттеләр мине. Ләкин үземне төрле төсле образларда шулкадәр рәхәт хис итә идем, башкаларның фикеренә игътибар да итмәдем. Бүген дә андый киемнән урамга чыгучылар юк диярлек, 20 ел элеккене әйтеп тә тормыйм инде... Әлбәттә, хәзер аның кадәр үк экстравагант образларда йөрмим, ләкин кешеләрдә реакция тудырырга яратам. 

 

 

– Аны Ася Бажан «уңайлы шәһәр образы» дип атады. Миңа шулай билгеләү ошый. Йолдызлыгым буенча мин – үгезбозау, шуңа беренче чиратта киемнең уңайлы, аңлаешлы, табигый тукымалардан булуын яратам. Кысып торган әйбер кимим. Гардеробым кызым белән урамга да чыгарга, кафега да барырга, дуслар белән дә очрашырга уңайлы булган универсаль киемнәрдән тора.

 

 

 

– Әйе! Сумкалар, күзлекләр бик яратам. Әйтик, көне буена планнарым бар икән, иртән зур сумка эченә кечкенә сумка, күзлек салып куям да, көн дәвамында образыма яңалык өстим. Бу бик уңайлы!

 

 

 

 

– Гардеробым кечкенә. Иремә рәхмәт – ул экология мәсьәләсендә «акыллы» куллану яклы. Өйдә әйбер күбәя башласа, шунда ук берәрсен башкаларга бирүемне сорый. Шуңа киемнәремне дә дус кызларга, туганнарыма җибәрәм. Берәр әйбер аласым килсә, башта өйдәге берәр киемнән арынырга кирәк дигән кагыйдә белән яшибез. Иремнең үзендә дә берничә джинсы белән берничә күлмәк кенә – шуларны алмаш-тилмәш кия.

 

Ә кызыбызга килгәндә, киресенчә: әтисе теләгән һәрнәрсәсен алып тора, ә мин җыештырып барам. Өстәвенә, ул бик тиз үсә, киемнәре дә кечерәя. Һаман яңа әйбер алып торуда мәгънә күрмим.

 

 

– Алсу төстәге иске күлмәк. Мин күп әйберләремне тектертәм. Шушы күлмәкнең дә эскизы кинәт кенә башыма килде дә, тектерттем. Ул бик гади. Шул күлмәгемне киеп Италиядә бер танылган бренд кибетенә кердек. Бер мизгелдә яныма консультант килеп, әйләндерә-әйләндерә карый, кайдан алуымны сорый башлады, фотога да төшереп алды. Ул брендның киемнәре арасында шушы алсу күлмәкне күрсәм дә гаҗәпләнмәм сыман. Күңелгә кереп калды ул вакыйга. 

 

Икенчесе – Япониядән апам алып кайтып биргән кимоно күлмәгем. Аны 9–10 ел киямдер, бер дә искерми. Берәр җиргә барганда нәрсә кияргә белмәсәм, тотам да шул кимононы киям. Иң отышлы образларымның берсе!

 

Өченчесе сумка булсын. Бер танылган брендның винтаж сумкасын ресейл платформадан сатып алган идем. Ул шуның хәтле шыксыз һәм ямьсез булган, күрәсең, аны айлар буе беркем дә алмаган. Мин беренче күрүдә гашыйк булдым. Бер күзе күрми торган песи кебек булды ул. Алдым! Сезон буе йөрттем. Кайбер әйберләр шулай үз хуҗасын көтә диләр бит.

 

 

– Үтенеп сорыйм, берүк баллон итәк һәм итәк-тенниска кия күрмәгез – туйдырып бетерде. Аның урынына туры тегелешле мини-итәк алыгыз. Аяк киемнәреннән үрелгән балеткалар, вьетнамкалар трендта булачак дип беләм. Үзем күп очракта интуициягә таянып киенәм, шуңа башкаларны да чикләп куясым килми. Гомумән, беренче карашка туры килмәгән әйберләрне бер-берсе белән «туганлаштырырга» курыкмаска киңәш итәр идем.