20.06.2025 Шоу-бизнес

Зәмирә Рәҗәпова: "Сез пар түгел. Ул сезне яратмый"

Популяр алып баручы, җырчы Зәмирә Рәҗәпова «Вконтакте»да «30-40-50» программасында кунакта булды. Шоуның темасы "Хыянәт" иде. Җырчы үзенең беренче никахы һәм элекке иренең хыянәте турында искә төшерде. Хәзер ул икенче тапкыр кияүдә һәм бик бәхетле.

- Хыянәт - ул ис кебек, һавада оча, Син аны сизәсең, ләкин күрә дә, исбат итә дә алмыйсың. Бер генә хатын-кызга да моны кичерергә теләмим, - дип сөйләде ул беренче ире белән мөнәсәбәтләре турында. - Мин бала тудыру йортында ятканда ук барысын да тойдым. Ләкин минем дәлилләрем юк иде. Кайдадыр укыдым: һәр хатын-кыз декретны кичерә ала, әмма һәр ир-ат та түгел. Һәм бу дөрес. Бу хыянәт турында уйлаган ир-атлар өчен идеаль вакыт. Минемчә, мәхәббәт ул - наз һәм «мин сине яратам» дигән сүзләр түгел, бу синең турында кайгырту.

Минем чагыштырыр нәрсәм бар. Хыянәт итүенә ышангач, төшке аш вакытында аның эшенә килдем һәм барысын да начальнигына сөйләп бирдем. Ул мине алып баручы буларак таныды һәм ярдәм итәргә теләде. "Ул вакытын хатын-кыз-коллегасы белән уздыра, хәзер аның белән төшке ашка китте", диде. Ул минем иремә шалтыратты һәм паркка килергә кушты, ләкин минем дә анда булачагымны әйтмәде. Менә мин паркта басып торам, һәм ул бизәнгән, сөйкемле кыз белән килә. Кыз, мине күргәч, уңайсызланмыйча: «Үзегездән җибәрегез аны, без бер-беребезне яратабыз. Сез пар түгел, ул сезне яратмый", диде. Ә мин аларга бәхет теләдем дә киттем. Еламадым, - дип искә ала ул.

Зәмирә мондый хәлдә калган хатын-кызларга еламаска һәм барысы да онытылуын истә тотарга киңәш итте. "Үзегезне кадерләгез", - диде ул.

Резеда Галикәева

---
Матбугат.ру
№ --- | 20.06.2025