“Алтын мөнбәр”гә 67 илдән 845 фильм килгән

XXI “Алтын мөнбәр” Халыкара Казан кинофестиваленең сайлап алу комиссиясе үз эшен дәвам итә. Быел конкурска дөньяның 67 иленнән төрле жанрдагы 845 фильм килгән. Алар арасында документаль кино да, тулы һәм кыска метражлы нәфис фильмнар да, анимация дә бар. Кинофестивальдә катнашачак фильмнар исемлеге 16 июньдә билгеле булачак.

Быел “Алтын мөнбәр” XXI Казан халыкара кинофестиваленең ачылу һәм ябылу тантанасы Камал театрының яңа бинасында узачак. Тантананы Камал театры янындагы мәйданда туры трансляция аша да карап булачак. Тулы метражлы нәфис фильм номинациясендә җиңүче фильмны да шушында ук карап булачак.

“Алтын мөнбәр” кинофестиваленең жюри составында Россия, Оман, Кытай, Мисыр, Нигерия, Үзбәкстан һәм Франция вәкилләре бар. Жюри рәисе Һиндстан режиссеры, тавыш режиссеры һәм саунддизайнеры Ресул Пукатти.

Кинофестиваль 5-9 сентябрьдә үтәчәк.