05.06.2025 Хәвеф-хәтәр

Агыйдел яры буенда бала калдыклары табылган

Уфада Агыйдел буенда чистарту корылмалары районында бала калдыклары табылган. “Башинформа” агентлыгына үз чыганагы хәбәр иткәнчә, фаразланганча, бу калдыклар 2024 елның март ахырында дусты белән бергә югалган малайныкы булырга мөмкин.

Билгеләп үтелгәнчә, аны курткасы буенча таныганнар, әмма ДНК-экспертиза уздырганнан соң гына калдыкларның аныкмы, түгелме икәнлеге төгәл билгеле булачак. Икенче чыганак белдергәнчә, куртка тасвирламага бик үк туры килми: югалган малайның курткасы кара төстә булган, ә монда, камуфляж тукымадан булган, имеш.

Хәл болай булган: бер ир-ат елгада үз катерында йөргән, һәм ниндидер мизгелдә яр янында куртка күргән. Якынрак килгәч, ул анда кеше сөякләрен күргән. Шунда ук ашыгыч хезмәтләр чакырткан. Балаларны эзләүдә катнашкан хокук саклаучыларның берсе, бу бер елдан артык элек югалган яшүсмер булырга мөмкин, дип фаразлаган.

Соңрак Тикшерү комитетының Башкортстан буенча идарәсендә бу вакыйгага карата рәсми комментарий бирделәр.

"Яшүсмернең гәүдә калдыклары табылу факты буенча тикшерү үткәрелә. Әлегә билгеле булуынча, 5 июнь көнне көндез бер балыкчы Агыйдел елгасы буенда Уфа районы Алексеевка авылыннан һәм су чистарту корылмаларыннан каршы якта кеше калдыкларына тап була.

Табылган калдыкларның 2024 елның мартында Уфаның Октябрь районында Агыйдел елгасы ярында хәбәрсез югалган 14 яшьлек малайныкы булу ихтималы турындагы версия дә тикшереләчәк", - диделәр ведомствода.

Чыганак: bashinform.ru

Әлфия ШАКИРҖАНОВА
Өмет
№ --- | 05.06.2025