Казанда 100 миллион сумга эт саталар

Казанда 100 миллион сумга эт сатыла. Бер сайтта шул җәһәттән белдерү урнаштырылган. Тасвирламасына караганда, этнең токымы – вест-хайленд-вайт-терьер. Сатучы сөекле маэмаен ни өчен шуның кадәр кыйммәт бәяләвен аңлатмаган. Аның сүзләренә караганда, эт – өйрәтелгән, шәҗәрәсе һәм ветеринария паспорты бар.

Вест-хайленд-уайт-терьер кыргый кошлар һәм вак җәнлекләр аулау өчен ау токымлы эт буларак уйлап чыгарылган. Кечкенә һәм бик җитез бу эт җәнлекне хәтта бик тирән өненнән дә тартып чыгара ала.

Вест-хайленд-уайт-терьерның ватаны – Шотландия. Эт үзенең кечкенә булуына карамастан, эшкә бик тә сәләтле. Шуңа күрә аны озак вакытлар буе бурсык, төлке кебек җәнлекләрне аулауда файдаланганнар. Шактый ук борынгы токым. Ләкин тәгаен кайчан пәйда булуы мәгълүм түгел, - дип яза “Татар-информ”.