|
|
|
Бүген кемнәр туган
|
|
|
Архив
|
23.05.2025 Хәвеф-хәтәр
Видеоуеннар аркасында гарипләнгән
Япониядә яшәүче 25 яшьлек егет, умыртка сөяге бөкрәюе сәбәпле, башын күтәрә алмый башлаган һәм ахыр чиктә дәваханәгә эләккән. Ул смартфонга текәлеп, башын иеп, көннәр буена уйнаган да уйнаган. Видеоуеннарга хирыслыгы аркасында япон 6 ай буена муены сызлавына түзгән - ул башын күтәрә алмаган. Аның ризыкны йоту белән проблемасы туган, шуңа да аз ашый башлаган һәм ныклап ябыккан. Егет табибларга мөрәҗәгать иткәч, умырткасының муен бүлеге сөякләренең ныклап зарарлануы һәм урыннарын күчүе, алар урынында җөйле тукыма хасыйл булуы ачыкланган. Башта белгечләр махсус медицина якасы ярдәмендә егетның муенын турайтырга тырышкан, ләкин авыру тәне оюга зарланган. Яканың ярдәме булмагач, табиблар операция ясарга карар иткән. Алар җитди зыян күргән умыртка сөякләре өлешләрен һәм җөйләнгән тукыманы алганнар. Авыруның муенын туры тотарга ярдәм итәр өчен тимер энә урнаштырып, винт борып куйганнар.
Егетнең көннәр буе башын күкрәгенә сәлендереп, видеоуеннар белән мавыгуы, ягъни зарарлы гадәте, әнә шундый авыр нәтиҗәләргә китергән.
Фото: ru.freepik.com
Резидә КАДИКОВА |
Иң күп укылган
|