22.05.2025 Шоу-бизнес

“Миллион!” – Сабан туенда татар җырчылары ничә сумга чыгыш ясый?

Олеся Лесная артистларның Сабан туйларында ничә сумга җырлавын белешкән.
Вадим Захаров башта әйтми:
– Секрет фирмы! – Бер 100 мең бармы соң? Быел күпме аласың? – Юк. – Ничә, 70? – дип төпченә Олеся.

– Син мине шулкадәр түбән бәялисеңме? 100 меңгә генә җырламыйм инде. Акчасын бит аның халык түләми, чакырган кеше түли. 300 дән күбрәк 400 меңнән әзрәк.

– О, менә монысы инде әйбәт!

“Моны язасың икән, кара исемлеккә тыгам”, ди Вадим Захаров, әллә шаяртып, әллә чынлап.

Илнат Фәрхуллин:

– Минем аерым бер бәя юк. 15 мең дип язып куй.

– Нинди 15 мең, әкият сөйләмә инде. Әйдә, мин белергә тырышып карыйм, син әйтәсең – 400 мең бармы?

– Юк-юк.

– 300 мең?

– Юк… Мин тулы команда белән киләм, 11 кеше 300-350 мең, – ди аннары Илнат.

– Менә бит, әйбәт.

Илмира Нәгыймова, “калганнар дөресен әйтәме әллә?” дип аптырый.

– Минем 250 мең.

– Бөтенесе тарта-суза, әйтмим дигән була, син шунда ук әйттең. Текә.

– Ә мине кисәк Сабантуйга чакырсалар? Бик текә дип инде, текә артист түгел инде.

– Текә инде. Топлар рәтендә.

– Башкалар кебек миллионнар, 500 меңнәр түгел.

– Миллион алучылар да бармы?

– Элвин Грей миллиондыр мөгаен, белмим…

Марат Яруллинның абыйсы Ринат:

– Чакырасызмы Сабантуйга? 1 миллион!

– Шулай укмы?

– Әлбәттә!

Илсөя Бәдретдинова:

– Сорыйлар да, о менә миллионга чыгыш ясаган икән дип язып куялар. Аның күпме чыгым икәнен аңламыйлар.

– Иң зур нинди суммага чыгыш ясаганыгыз бар?

– Төрлечә бар. 1 миллионга кадәр. Әмма миллион дигәч, сез бүтәнчә китереп чыгарырга мөмкинсез. Аппаратура кергән. Үзе генә дә 250 мең тора. Экран да шулай ук. 200-250 мең тирәсе. 15 кешегә хезмәт хакы түләргә кирәк. Барысын да минусуйте, Илсөя Бәдретдиновага күпме калганын күз алдына китерегез.

Гүзәл Уразова:

– Синең кәмитләреңне карап барам мин, булмаган җирдән дә уйлап чыгара бу бала дип… Мин бит үзем шөгыльләнмим андый сораулар белән.

– Миллионга чыгыш ясаган бармы?

– Булгандыр инде. Әмма Сабан туенда түгел.

Ринат Рахматуллин:

– Ринат абый, сәлам. Ничек анда, яңгыр туктыймы инде? (Ринат Рахматуллинның “Тукта, яңгыр” хитына төрттереп әйтүе).

– Белмим инде, җырлап карарга җыенабыз.

– Шәхси тормыш ничек?

– Менә Динара белән ашап утырабыз. Сабан туена 150-250 мең.

– Әйбәт икән. Ипигә җитәме?

– Әйе.

– Нәрсә ашыйсың әле?