Бүген бөек татар җырчысы Рәшит Ваһаповның тууына 117 ел (ФОТО)

Татар халкы бөек җырчының исемен данлау, мәңгеләштерү өчен төрледән-төрле чаралар уздыра. Менә аларның кайберләре:

* 20 елдан артык Рәшит Ваһапов исемендәге Халыкара татар җыры фестивале үткәрелә.

* 2022 елда Казан үзәгендә Рәшит Ваһаповка һәйкәл куелды.

* Туган авылы Актуктада һәм Уразавылда ( Нижгар өлкәсе) аның бюсты, ә Түбән Новгород шәһәрендә мемориаль тактасы бар.

* Казанның бер урамы Рәшит Ваһапов исемен йөртә.

* Габдулла Кариев исемендәге театрда җырчының тормышы һәм иҗатына багышланган "Умырзая" спектакле куелды (пьеса авторы – Ренат Харис; режиссёр – Ренат Әюпов).