05.05.2025 Икътисад

Рөстәм Миңнеханов һәм Марат Җәббаров эш сәфәре белән Татарстан муниципаль районнарында булдылар

Бүген Татарстан Республикасы Рәисе Рөстәм Миңнеханов һәм Татарстан Республикасы Премьер-министры урынбасары — Татарстан Республикасы авыл хуҗалыгы һәм азык-төлек министры Марат Җәббаров эш сәфәре белән Әтнә, Арча һәм Балтач муниципаль районнарында булдылар.

Сәфәр кысаларында алар район кырларын карадылар һәм чәчү эшләренең барышы белән таныштылар.

Татарстан Республикасы Әтнә муниципаль районында Рөстәм Миңнеханов һәм Марат Җәббаров “Тукай” ҖЧҖ сөт комплексында булдылар. Хуҗалыкта 114 кеше эшли. 2400 башка исәпләнгән комплекс 4 сыер абзарыннан, бозаулату бүлегеннән һәм «Карусель» системасына көйләнгән саву җайланмасыннан тора. Сөтле бозаулар өчен махсус бокслар оештырылган. Тәүлеккә 70 тонна моноазык җитештерә торган үзләренең азык цехы бар.

Аннары алар Әтнә районы хуҗалыклары җитәкчеләре һәм авыл җирлекләре башлыклары белән очраштылар. Район җитәкчелеге, кырларда эш штат режимында бара, дип әйтте. Орлыклар җитәрлек, техника җитәрлек. Бүгенгә чәчү эшләре 52%ка — 14,3 мең га мәйданда башкарылган, арпа, сабан бодае, борчак, солы тулысынча диярлек чәчелгән. Башлыча, ашлык кукурузы, техник һәм азык культуралары чәчәсе калган. Көзге культуралар 6503 га мәйданда чәчелгән.

Марат Җәббаров әйтүенчә, райондагы барлык фермаларда да заманча җайланмалар урнаштырылган. Шәхси ярдәмче хуҗалыклар буенча район бер дәрәҗәдәрәк тора, 2500 башка якын терлек исәпләнә.

Республиканың Арча муниципаль районында Рөстәм Миңнеханов һәм Марат Җәббаров кырлардагы оператив вәзгыять белән таныштылар, хуҗалыклар җитәкчеләре, инвесторлар һәм районның авыл җирлекләре башлыклары белән очраштылар.

“Арча районы чәчүгә актив кушылды. Минераль ашламалар һәм чәчү өчен орлыклар җитәрлек”, - дип ассызыклады министр.

Марат Җәббаров, Татарстан Республикасында авыл хуҗалыгы җитештерүчеләре өчен барлык федераль һәм республика ярдәм чаралары эшли, хуҗалыклар җитәкчеләре аларның барысыннан да файдалана ала, дип искәртеп узды. Шәхси ярдәмче хуҗалыкларга килгәндә, министр, бу мәсьәләдә эшне көчәйтергә кирәк – бигрәк тә терлекләр санын арттыру өлкәсендә, дип ассызыклады.

Балтач муниципаль районында хуҗалыклар җитәкчеләре, инвесторлар һәм җирлек башлыклары белән очраштылар. Бүгенгә язгы чәчү 21,6 мең га (50%) мәйданда башкарылган. Бөртекле һәм кузаклы культуралар буенча чәчү 76%ка башкарылган, тагын 5,2 мең га чәчәсе калган. Быелгы уңыш өчен 5273 тонна ашлама тупланган — 1 гектарга 81 кг ашлама туры килә.

Соңгы 5 елда 9,6 мең баш савым сыерына исәпләнгән 11 сөтчелек комплексы файдалануга тапшырылган. Бүген терлекчелек комплексының тагын 4 объектын төзү дәвам итә. Районда барлыгы 59,6 мең баштан артык эре мөгезле терлек исәпләнә, шул исәптән 21 мең 335 баш сыер.

Министр районга тармак буенча югары бәя бирде. Шул ук вакытта ул шәхси ярдәмче хуҗалыкларны арттыру буенча эшне активлаштырырга өндәде. Бүген шәхси ярдәмче хуҗалыкларда 15,3 мең баш эре мөгезле терлек бар, шулардан 6 мең 539 баш сыер.

Марат Җәббаров шулай ук сөт җыю күләме буенча иң зур кооперативның нәкъ менә Балтач районында урнашуына игътибар юнәлтте.

Рөстәм Миңнеханов аграрийларга яхшы хезмәтләре өчен рәхмәт белдерде, район һәрвакытта да барлык юнәлешләр буенча югары күрсәткечләргә ирешә, дип ассызыклады. Татарстан Рәисе шулай ук җитәкчеләрне Бөек Ватан сугышында Җиңүнең 80 еллыгына багышланган барлык чараларны да югары дәрәҗәдә оештырырга өндәде.

Аннары Рөстәм Миңнеханов һәм Марат Җәббаров 1600 савым сыерына исәпләнгән сөт комплексын һәм “Татарстан” АХП” ҖЧҖенең азык үзәген карап чыктылар. Комплекста 185 кеше эшли. Узган ел йомгаклары буенча комплекс 17,1 мең тонна сөт һәм 787,2 тонна ит җитештергән.

---
ТР Авыл хуҗалыгы һәм азык-төлек министрлыгы
№ --- | 05.05.2025