“Шаян ТВ” егетләре “Йолдызлык”та җиңү яулады

Быел 25 нче тапкыр уздырылган “Созвездие – Йолдызлык” республикакүләм фестиваль-конкурсы тәмамланды! Йомгаклау концерты Казанның “Пирамида” концертлар залы сәхнәсендә узды. “Шаян ТВ”ның сәләтле малайлары фестивальдә лаеклы чыгыш ясап, тамашачыларның да, жюри әгъзаларының да йөрәген яуладылар.

Гран-при иясе булып Камил Вәлеев танылды! Камиль – “Сәйлән” проектының беренче сезоны һәм “Сезоннар ярышы” җиңүчесе. Ул үзенең көчле тавышы, сәхнә осталыгы һәм тырышлыгы белән һәркемне сокландырды.

Быел фестивальдә тагын бер мөһим яңалык булды – беренче тапкыр Илфат Ибраһим улы Абдрахманов исемендәге махсус премия тапшырылды. Бу дәрәҗәле бүләккә безнең тагын бер йолдызыбыз – Әмир Исрафилов лаек булды! Шулай ук Әмир “Конферанс” номинациясендә 1 нче урынга лаек булды.