|
|
|
Бүген кемнәр туган
|
|
|
Архив
|
18.04.2025 Шоу-бизнес
Алсуның улы булачак һөнәрен сайлаганПоп-эстраданың 41 яшьлек йолдызы Алсу элекке ире Ян Абрамовтан өч уртак бала тәрбияли: кызлары Сафина һәм Микелла, шулай ук улы Рафаэль. «Зимний сон» хитын башкаручының варислары җырчы өчен авыр чорда чын терәк булуларын таный. Алсуның балалары әниләреннән музыкага тартылуны мирас итеп алганнар. Сафина белән Микелла фортепиано классы буенча кызыл дипломнар белән музыка мәктәбен тәмамлаган инде. Рафаэль әле музыка мәктәбенең икенче сыйныфында укый.
Алсу 8 яшьлек улының композитор булырга хыяллануын белдергән. Җырчы аны зур киләчәк көткәнен дә билгели һәм һәрнәрсәдә аның мавыгуын хуплавын ассызыклый, - дип яза "Кызыл таң".
"Бу бит бүләк, чынлыкта. Аның музыканы абсолют ишетүе бар, моңа бит өйрәтеп булмый: бу я бар, я юк. Моны алга таба да үстерергә мөмкин. Яши-яши күрербез, әмма без бу омтылышка һәрьяклап ярдәм итәчәкбез, әлбәттә», – дип белдергән Алсу.
Ләйсән Якупова
Фото социаль челтәрдән.
--- |
Иң күп укылган
|