• 07.04-02.05 "Мәхәббәт FM". Камал театры. 19:00
  • 13.04-14.04 "Шах...Мат!" моноспектакле. Премьера! Тинчурин театры. 18:30
  • 17.04 Премьера! "Ак чәчәкләр кебек..." (12+), Кариев театры , 18:00
  • 24.04 Ришат Төхвәтуллин. Уникс. 17:00
  • 25.04-27.04 Алтын Казан. ТАГТОиБ им. М.Джалиля. 18:00
  • 26.04 "Печән базары" (12+), Кариев театры, 18:30
  • 15.05 Бертуган Сафроновларның фантастик тамашасы. Татнефть Арена. 14:00
Бүген кемнәр туган
  • 13 Апрель
  • Рамил Шарапов - шоумен
  • Абруй Сәйфи (1889-1960) - язучы
  • Айдар Әгъләмов - җырчы
  • Алмаз Гафиятов - журналист
  • Нәзифә Кадыйрова - җырчы
  • Альфред Вәлиев - сәясәтче
  • Илһам Кашапов - дәүләт эшлеклесе
  • Исэнмесез! Май башы май азакларын да 2 бэлмэле фатир снимать итер идем центр да Актаныш, семья балалар белэн. Желательно стиральная машина. Чистоту и своевременную оплату обещаем!!! 89509461699
  • Актаныш районында агач йорт сатыла. Торырлык, яхшы хәлдә. Арзан бәядән. 89372979649
  • Әле һаман шәҗәрәгез юкмы? Нәсел тамгагызны белмисезме? Бу хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 7 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • романовский сарыклар сатыла .срочно тел 89050220598
  • Зур телевизор сатыла.Күрсәтүе яхшы.3000 сум.тел.89172337131
  • Продается земельный дачный участок, 7 соток, СНТ-11 (Авиастроительный район). Вода, электричество есть, газ планируется завести. Плoдoносящие деревья и кустарники. Прекрасное место для активного и семейного отдыха. Есть возможность сделать пруд. До сада хорошая асфальтированная дорога. Подьездные пути удобные, может заехать даже грузовик! Снт стремительно развивается благодаря председателю, что важно для дачников! Рядом автобусная остановка. Цена 500 т. Тел: 89274031387
  • Кер юу машинасы ,холодильник морозильник сатам тел.89520460614 вапсат или позванит.
  • Үзебезнең умарталыктан сыйфатлы чәчәк балы сатыла. Казан буенча китереп бирү мөмкинлеге дә бар. Рәхим итеп шалтыратыгыз: 89625497103
  • Мастер на час хезмэте курсэтэбез!!! Плотник,электрик,сантехник,сварчик,бакча да утын кису,бакча тирэсе тотабыз, казу эшлэрен башкарабыз 89274544590
  • Ботлата ит сатабыз,арткы боты 330,алгы 320 сум.Хэлэл.тел.89372834097 Узебез Апастан. Казанга алып килеп бирэбез
 
 

 
Архив
 

               

15.08.2011 Дин

Мөбарәк Рамазан ае

Мөбарәк Рамазан аенда мөэмин-мөселманнар ураза тотып, тәгать-гыйбадәттә булып Аллаһы тәгаләгә шөкеранәләр китерәләр. Бу фарыз гамәлне үтәүдә бәндәләргә нинди мәсьүлият йөкләнә соң? Әнә шул турыда һәрбер кеше тулы мәгълүматка ия булырга тиеш.

Бөтен әгъзаларыбызның уразасы бар. Күзнеке — харам кылынган нәрсәләргә карамау, оятлы күренешләргә бакмау. Колакныкы — гайбәт, ялган сүзләрне ишетмәү. Телнеке — шикаять, бөһтан вә фәхеш сүзләрне әйтмәү. Кулныкы — харам нәрсәләргә аны сузмау. Аякныкы — лаексыз урыннарга бармавы. Пәйгамбәребез Мөхәммәд с. мөбарәк хәдис шәрифендә ураза тоткан кешеләргә ике олуг сөенеч бар диде. Беренчесе — ифтар вакытында, авыз ачканда догалар кабул булуыннан. Икенчесе — кыямәт көнендә Аллаһ тәгаләнең гүзәллеген күрүендә.

 

Ни өчен уразаны Аллаһ тәгалә белән бәндә арасындагы сер гыйбадәте дибез? Чөнки намаз укысак, зәкят бирсәк, хаҗга барсак — бөтенесе күренә. Әмма ураза тотсак фәкать үзебез һәм Аллаһы гына белер.

 

Ураза бәдәнебезнең зәкятедер. Бер ел эчендә утыз көн бәдәнебез ял итә. Кеше ач булганда аның калебе йомшара төшә. Кайсының йөрәге йомшак булса, андый кеше яндагыларга рәхим-шәфкать тойгысы белән карый. Шуның өчен дә бу ай миһербанлык күрсәтү, фәкыйрь-мескеннәрнең хәленә керү, садака-ярдәмнәр өләшү ае да.

 

Рамазан аенда кешеләр ачлыкка үз ихтыярлары белән сабыр итәләр. Гөнаһлардан үзләрен аралыйлар. Көндез ачлыкка сабыр итсәләр, кичләрен тәравих намазларында сабыр белән гыйбадәт кылалар.

 

Аллаһ тәгалә фәрештәләргә әйтә, җир йөзенә Үземә хәлифә, ягъни адәмне яратам, ди. Фәрештәләр: адәмне яратсаң, җир йөзендә фәсәд кылыр, нахакка кан коер, без исә Сине олылыйбыз, диделәр. Аллаһ тәгалә әйтте ки, Минем белгәнемне сез белмисез. Алар белән Минем арада мәхәббәт булыр. Соңыннан нигъмәтләр тулы табын янында ифтаргача сабыр итеп утырган ураза тотучыларны күрсәтеп: әй фәрештәләрем, Адәмне яратма, дигән идегез, җир йөзенә карагыз, аларның карыннары ач, алларында ризык мулдан, куллары бәйләнмәгән. Әмма Минем ризалыгым өчен сабыр кылып утыралар. Шуның өчен аларны яратам. Сез шаһит булыгыз, аларның гөнаһларын кичердем, диер икән.

 

Һәрбер кеше, аеруча әнә шул айда, күбрәк яхшылык кылуга хәрәкәт итергә тиешле. Пәйгамбәребез Мөхәммәд с. үз хәдис шәрифләрендә, кем ки бер ураза тотучыны хәләлдән тапкан ризык белән ифтар кылдырса, шул айда фәрештәләр аңа савап язарлар дип әйткән. Сәхабәләр, йә Рәсүлүллаһ с., безнең ифтар кылдыру өчен ризыгыбыз юк, диделәр. Рәсүлүллаһ с. бер хөрмә белән булса да ифтар кылдырсагыз, ул әҗергә лаек булырсыз, диде.

 

Мәгълүм ки, мөбарәк Рамазан шәриф көннәрендә бөтен кешеләр изгелек кылуга, күпләп савап вә әҗер алу өчен омтылалар. Шул җөмләдән ураза тотучыларга хезмәт кылучы сәүдәгәрләр дә. Аллаһ ризалыгы өчен бу көннәрдә алар савап өмет итеп аеруча яхшы мөгамәлә белән ихластан хезмәт итүләре ләзем. Пәйгамбәребез с. хозурына бер сәхабә кереп миңа җәннәткә кертә торган юлны өйрәт, диде. Рәсүлүллаһ с. әйтте ки, кайсы җирдә, кайсы хәлдә булсаң да Аллаһыдан куркып эш ит!

 

Димәк, ул итче, икмәкче яки сатучы булып хезмәт иткәндә дә хәләл рәвештә аны үтәргә тиеш. Бу турыда Аллаһ тәгалә Коръән Кәримдә әйтә ки: "Алдап үлчәүчеләргә үкенеч! Кешеләрдән үзләренә үлчәтеп алсалар, төгәл булалар, инде, аларга асып яки болай үлчәгәндә алар киметәләр! Алар төшенмәсләрдер, тереләчәк булачакларына бөек көн өчен. Ул көнне кешеләр галәмнәр Раббысы каршында торырлар". (Мүтаффифин, 16). Аңлашыла ки, ахирәтне уйлаган, кыямәттән курыккан кеше урламас, дөреслекне сәүдәсендә саклар.

 

Рамазан аенда ураза тоту Мөхәммәд г-мнең өммәтенә хастыр. Муса г-м Аллаһы тәгаләгә: "Йә Раббым! Сиңа миннән дә якынрак бәндәләрең бармы?" — дип сораганына Аллаһ тәгалә: "Әйе, алар хабибем Мөхәммәд г-м өммәтләредер", — дигән икән. Шунда Муса г-м: "Мин синең белән Тур тавында сөйләштем, ә алар ничек сиңа якын булды?" — дигәненә Аллаһ тәгалә: "Әй Муса, син Минем белән Тур тавында сөйләшкәндә арабызда пәрдә бар иде. Мөхәммәд г-м өммәтләре ураза тотып, иреннәре агарып ифтар вакытта кулларын догага күтәргәндә күк белән җир арасындагы пәрдә күтәрелә. Аларның догаларын кабул итәм, чөнки алар бу мизгелдә минем белән пәрдәсез сөйләшәләр", — дигән икән. Шунда Муса г-м: "Әй Раббым, шул Рамазан шәриф уразасын минем өммәтемә дә биргел", — дип соравына Аллаһ тәгалә: "Бу ураза хәбибем Мөхәммәд г-м өммәтенә генә хастыр", — дип җавап биргән икән.

 

Әнә шундый фазыйләтле, мөбарәк айда, гөнаһлар кичерелә торган вакытта тәүбә кылыйк. Рамазан шәрифне ганимәт белеп, изгелекләр, хәерле гамәлләр кылып калыйк. Аллаһ тәгалә дини вә дөньяви эшләребездә уңышлар, үсеш бирсен. Үзенең һидаять юлыннан адаштырмасын.


Вәлиулла хәзрәт ЯКУПОВ
Musulman.su
№ |
Musulman.su печать

Фикерләр

Исем:
E-mail:
Текст:
 
№22 (778814) / 31.08.2011 20:44:13

Барлык мөселман кардәшләребезне Ураза гаете белән тәбрик итәм. Тоткан уразаларыгызның савабы, сихәте барып ирешсен кирәкле урынга. Аллаһы Тәгалә кабул кылсын. (хаталарым булса, гафу)

Хаҗия ханым да күп, кирәкле мәгълүмат биргән.

Нурислам, Исмәгыйл әфәнделәрнең фикере дә бирелгән сорауга ачыклык кертүгә файда бирер иде. Нурислам әфәнде, мин биргән - күпләрне кызыксындырган сорауга битараф калмаганыгыз өчен рәхмәт.
Кактус әфәнде, бер, бик кыйммәтле мәгълүмат ирештерде безләргә (үзем дә, шул - көн озынлыгы мәсьәләсен \"кабыргасы\" белән куеп, ачыклык кертәсем килгән иде): андый урыннарда(көн-төн буталып беткән урыннарда булып чыга, минемчә) уразаны Мәккә вакыты белән тотарга була.
Бу сүзләрдә \"алтын бөртек\" ята, минемчә. Уразаны Мәккә вакыты белән тоту - көн артык озын булган якларда - мантыйкка туры(якын) килер иде.
Кабатлыйм. Ислам(һ.б.диннәр дә) Мәккәдән чыгып, Дөнья Шарына таралган. Ул вакытта, урын-вакыт шартларын күздә тотып, кагыйдәләр кабул ителгән. Уйланыгыз, дин галимнәре: уртак - бар тарафка да яраклы фикер туплагыз.

ил исеменнән башка берәү чыга сыман. Космоста ничек ураза тотарга, ничек намаз укырга дип төрттерә башлаячак...
Космостагылар сәфәрдә - сәфәрдәгеләр ураза тотмый, җай булмаса - намазларын да кичектерә(Кактус фикеренчә - Мәккә вакыты белән башкара ала космостагылар, мөмкин булса. Үзем килешәм, бу фикер белән).
Монысы - надан Кигәвен җавабы - ил гә.

№21 (778177) / 24.08.2011 11:42:37

Кактусның сүзләрен инкарь итмичә генә, ак төннәр (за полярным кругом)була торган җирләрдә уразаны бу урынга иң якын урнашкан кояш баюы билгеле булган шәһәрдәгечә тоталар дип ишеткәнем бар.Ягъни көннең дәвамы озын булуына карамастан. Фикх белгечләре төгәлрәк әйтерләр. Аллаһу әгъләм.

Хәзер инде бу урыннарны кешеләргә яшәргә яраксыз дип әйтә алмыйбыз. Әмма кайда гына ураза тотсак та, Аллаһ Тәгалә үзенең колына бу гамәлне җиңеләйтә. Әмма бу җиңеләйтүне сизә белү кирәк.

№20 (778165) / 24.08.2011 01:36:26

بسم الله الرحمن الرحيم
Хакыйкатьтә, айлар арасыннан Рамазан аен өстен иткән Аллаһ Сүбхәнәһү вә Тәгаләнең бер Үзенә барча мактауларыбыз. Без Аны мактыйбыз, Аңа ялварабыз һәм Аннан гафу сорыйбыз. Нәфсебезнең явызлыгыннан, шайтан вәсвәсәсеннән бары Аңа сыенабыз.

Хакыйкатьтә, иң хәерле сүз — Аллаһ Тәгаләнең сүзе, вә иң хәерле юл — пәйгамбәребез салла Аллаһу галәйһи вә сәлләмнең юлы. Барча яңалык — бидгать, вә барча бидгать — адашу һәм барча адашу утка илтә.

Аллаһның рәхмәте белән, Рамазан аеның соңгы ун көне - иң хәерле һәм бөек көннәр җитте. Бөек айның соңгы ункөнлеге. Бу көннәр Рамазан аеның башка көннәреннән аерылып тора.

Пәйгамбәребез салла Аллаһу галәйһи вә сәлләм Рамазан аеның бу көннәрендә башка көннәргә караганда гыйбадәттә аеруча тырышкан.
Гаишә, Аллаһ аннан риза булсын, әйтә: \" Аллаһның илчесе салла Аллаһу галәйһи вә сәлләм, Рамазан аеның бу көннәрендә башка көннәргә караганда гыйбадәттә аеруча тырышты.\"

Гаишә, Аллаһ анна риза булсын,болай дип әйтеп калдырган: \" Рамазан аеның соңгы ун көнендә пәйгамбәр, салла Аллаһу галәйһи вә сәлләм, үзенең изарын кысыбрак бәйли иде, төннәрен гыйбадәттә үткәрә һәм үзенең гаилә әһелләрен дә шуның өчен уята иде.\"

Пәйгамбәребез салла Аллаһу галәйһи вә сәлләм, хәдистә әйтелгәнчә, бу төннәрдә гыйбадәттә тырышкан, хәтта \"изарын кысып бәйләгән\".
Ягъни ул төннәрен хатыннары янына бармый, ә булган вакытын бары тик Аллаһка гыйбадәт кылып, төнге намазда уздыра.
Бу санаулы төннәрне һәм көннәрне әрәмгә уздырмыйк, чыннан да бу вакытта Аллаһтан олы әҗер-савап, иншәАллаһ.

Кадер кичәсе төнен, Аллаһ Тәгаләнең Бер Үзенә гыйбадәттә көтеп алыйк! Зирәкләрнең Зирәге, Юмартларның Юмарты булган Аллаһ Сүбхәнәһү вә Тәгаләнең Бер Үзеннән, басынкылык һәм Аңа буйсынып гафу сорыйк һәм ярдәм көтик!

Нинди генә халык, кавем булмасын, үз тарихларында булган аеруча билгеле көннәрен горурлык белән искә ала. Пәйгамбәребез салла Аллаһу галәйһи вә сәлләм өммәте - безнең өммәтебез дә үз тарихында булган вакыйгалар белән горурлана. Үз тарихында булган көннәр һәм төннәр белән горурлана. Аллаһ Сүбхәнәһү вә Тәгаләнең рәхмәте булган, безнең өммәтебезнең горурлыгы - Кадер кичәсе.

Аллаһ Тәгалә бу кичәне мең айдан да хәерлерәк, диде. Шушы бер төн эчендә эшләнгән игелек-шәфкатьлелек, мөселманның башка мең ай дәвамында кылган игелегеннән дә яхшырак. Чынлыкта, Аллаһ Газзә вә Җәллә безнең өммәтебезне йөрәкләрне шаккатырып, аңнарыбыз таң калырдай гаҗәеп искиткеч өстенлекләр белән бүләкләде. Шундый мең айдан да хәерлерәк бер төн белән бүләкләде, ә бит мең айны санасак, 80 елдан артык вакыт - бер кеше гомере кадәр.

Коръәни Кәримнең шушы төндә иңүе - үзе бер игелек.
-Аллаһ Тәгалә әйтә: \"Бу төндә хикмәтле эшләр хәл ителә. Кадер кичәсендә мәхлүкатларның бер елга язмышлары языла. Кем яшәячәк , ә кем үләчәк; кем өстен , ә кем мәсхәрә хәлендә; кем һәлак ителәчәк, ә кем котылып калачак, шулай ук уңдырышлы ел буламы, әллә корылыкмы - болар барысы да язылып куела. Аллаһ Сүбхәнәһү вә Тәгалә киләчәк ел өчен ничек тели, - барысы да нәкъ шулай языла.

Аллаһ Тәгалә әйтә:
1. Ха мим. 2. Кеше өчен кирәк нәрсәләрнең барчасын ачык бәян итүче Коръән белен ант итәм. 3. Без Коръәнне мөбарәк кадер кичәсендә иңдердек, Без Коръән белән имансызларны куркытучы булдык. 4. Ул кадер кичәсендә киләсе елга хәтле булачак эшләр хөкем ителер, ягъни туу,үлү, ризык ва дөньядагы башка булачак вакыйгалар тәгаенләнер. 5. Һәр әмер хикмәт буенча Безнең хозурыбызда хасил булган хәлдә, Без ул көндә мөэминнәргә фәрештәләр җибәрер булдык, 6. мөэминнәргә Раббыңнан рәхмәт булган хәлдә чөнки, Ул – Аллаһ бәндәләренең хәлләрен белер, сүзләрен ишетер.\"(\"Төтен\" сүрәсе)

Аллаһ Тәгалә шулай ук әйтә:
\"1. Чынлыкта,Без Коръәнне кадер кичендә иңдердек. 2. Сиңа кадер киченең шәрафәтен вә аның хикмәтен нәрсә белдерде? 3. Кадер киче, мең айдан да хәерлерәк. Савабы, мең ай кылган гыйбадәттән артыгырак. 4. Кадер кичендә Раббыларының теләге белән Җәбраил һәм башка фәрештәләр һәр кешегә билгеләнгән бер еллык тәкъдир белән иңәрләр. 5. Кадер кичендә намаз, Коръән укып рузә тоткан мөэминнәргә фәрештәләр Аллаһтан сәлам укырлар. Кадер киченең дәвамы кояш баеганнан башлап таң атканга чаклы (\"Әл-Кадр\")

Бу төннең фазыйләтләре:
1. Дөньялыкта кулланма һәм ахирәттә кешеләргә бәхетле булу өчен сәбәп итеп, Аллаһ Тәгалә Кадер кичендә Коръәни Кәримне иңдерде.
2. Аллаһ Тәгалә \" Сиңа кадер киченең шәрафәтен вә аның хикмәтен нәрсә белдерде?\" дип, бу төнгә игътибарыбызны юнәлтә. Аллаһ Тәгаләнең нәкъ шулай дип соравы да , бу төннең мөһимлегенә вә һәм әһәмиятенә искәртә.
3. Бу төнне фәрештәләр иңә , шуңа да бөтен җирдә рәхим-шәфкать вә мәрхәмәт.
4. Бу төн мең айдан да хәерлерәк, ягъни 83 елдан да яхшырак.
5. Бу төнне Аллаһ Тәгалә Үзенең бик күп колларын җәза вә газаптан азат итә. Әмма моңа Аллаһка буйсынган һәм Аның күндәм коллары гына лаеклы.
6. Аллаһ Тәгалә бу төнне Кыямәт көне җиткәнче укыла торган сүрәне иңдерде.

Кадер кичәсенең дәрәҗәсе турында ышанычлы хәдистә болай язылган. Әбү Һөрәйрә сүзләреннән, пәйгамбәребез салла Аллаһу галәйһи вә сәлләм әйтә: \" Рамазан аенда төннәрен әҗерен вә савабын бары тик Аллаһтан гына өмет итеп гыйбадәт кылучыларның гөнаһлары гафу ителер.\"

Йә, мөселман туганым! Рамазан аеның йөзек кашы булган Кадер кичәсен Рамазан аеның соңгы ункөнлегендә, бигрәк тә так санында көтү мәслихәт. Гаишәдән, Аллаһ аннан риза булсын, килгән ышанычлы хәдистә әйтелә: \"Аны - Кадер кичәсен соңгы ун көннең так саннарында эзләгез!\"
Ибн Габбас, Аллаһ алардан риза булсын, сүзләреннән: \" Пәйгамбәребез салла Аллаһу галәйһи вә сәлләм әйтте: \" Кадер кичәсен Рамазан ае бетәргә тугыз, җиде, биш, өч төн калгач көтегез.\"

Ибн Гомәр, Аллаһ алардан риза булсын, сүзләреннән китерелгән хәдистә, бервакыт пәйгамбәребез салла Аллаһу галәйһи вә сәлләмнең берничә сәхәбәсенә берьюлы Кадер кичәсе Рамазан аеның соңгы җиде төненең берсенә туры килүе турында төш керүе турында әйтелә. Шунда пәйгамбәребез салла Аллаһу галәйһи вә сәлләм әйтә: \" Күрәм, сезнең төшләрегез буенча, Кадер киче соңгы җиде төнгә туры килә. Шулай булгач, Кадер кичен көтүче һәркем, аның килүен соңгы җиде төндә көтсен!\"

Кайберәүләр моны егерме җиденче төн диләр.
Үбәйә бин Каба һәм Мугавия сүзләреннән, Аллаһның илчесе салла Аллаһу галәйһи вә сәлләм әйтә: \" Кадер кичәсе - егерме җиденче төн.\"

Үзенең коллары Аңа күбрәк гыйбадәтләр кылсын өчен, Аллаһ Сүбхәнәһү вә Тәгалә Үзенең колларына карата булган рәхимлелегеннән, бу төн турындагы гыйлемне бездән яшерде. Соңгы ункөнлектә так санга туры килгән төннәр санаулы гына булса да, бу төннәрдәге гыйбадәтләр өчен бүләк бихисап. Шуңа да мөселман кардәшем, Аллаһны бик еш искә ал, дога кыл. Пәйгамбәребез салла Аллаһу галәйһи вә сәлләмнең Гаишәгә өйрәтеп калдырган догасы хәерле.

Ул әйтте: \"Мин Аллаһның илчесе салла Аллаһу галәйһи вә сәлләмнән сорадым: \" Әгәр дә мин ул төнне белсәм, миңа нәрсә әйтергә?\" Ул, салла Аллаһу галәйһи вә сәлләм әйтте: \" Әйт: \"Йә Аллаһ! Чынлыкта Син гафу Итүче, гафу итәргә яратасың, гафу ит мине!\"

Йә, мөселман кардәшем! Бу санаулы вакытларда вакытыңны бушка уздырма! Бер минутыңны да, секундыңны да әрәм итмә! Сабырлык, күндәмлек һәм басынкылык белән Аллаһка ялвар! Бидгать гамәлләрдән ерак тор! Пәйгамбәребез салла Аллаһу галәйһи вә сәлләмнең, тугры хәлифләрнең Сөннәтенә нык тотын, Коръәнне кулланма ит! Адашмас өчен, алар юлыннан читкә китмә!

Йә Раббым, Аллаһ! Безгә Рәхмәтеңнән вә мәгъфирәтеңнән өлеш бир!
Йә,Раббым, Аллаһ! Хата-кимчелекләребезне, гөнаһларыбызны гафу ит! Үзең белән күрешкәнгә кадәр Үзеңнең тугъры юлыңда аякларыбызны ныгыт!

Йә,Раббым, Аллаһ! Эш- гамәлләребезне хәерле кыл, вакытка бәрәкәт бир! Үзеңә буйсынырга һәм Үзеңә гыйбадәт кылырга көч-куәт бир!

Йә,Раббым, Аллаһ! Әти-әниләребезне, мөселман туганнарыбызны гафу ит, җәһәннәм утыннан сакла!
Йә,Раббым, Аллаһ! Пәйгамбәребез салла Аллаһу галәйһи вә сәлләмгә, аның гаилә әһелләренә, аның сәхәбәләренә догаларыбызны ирештер!
Әмин!

№19 (778076) / 22.08.2011 19:19:58

Кактус №12, боргаламыйча гына, аңлаешлы җавап биргәнсез. Бу сорауга җавап мине генә түгел, күпләрне кызыксындыра иде. Хәзер, иң кимендә, М.рудагы, кайбер - бу сорауга җавапны белмәүчеләр - белде. Алар башкаларга да ирештерер, иншАлла.
Кактус, җавабыгыз өчен рәхмәт!

Илхам №13, ялгышасыз. Авыз капламаган: тыйнак, төгәл, кыска, аңлаешлы җавап биргән. Андый шәхесләр ихтирамга лаек.

№18 (777862) / 18.08.2011 13:05:39

Шуннан да куркам шул,акылдан язудан.

№17 (777858) / 18.08.2011 12:53:45

соры бүре, Нишлэп микэн? Эле син минем белэн якыннан аралашсан "вообще без ума" буласын"

№16 (777857) / 18.08.2011 12:36:33

Илхам нишләптер сине ярата башладым әле.




Ил.

№15 (777856) / 18.08.2011 12:20:57

әлә ни шатланмагыз.
хәзер кирегә сукалап утыручылар
космоста ничек ураза тотарга да, ничек намаз укырга дип терттерә башлаячак...

Кто хочет, тот ищет возможности, кто не хочет — ищет причины

№14 (777855) / 18.08.2011 12:12:44

Сүзләрне дөрес кулланыйк әле, иптәшләр!
охшаган - похож
ошаган-нравится
Айнур Зиннурга охшаган - Айнур похож на Зиннура.
Алиягә Зиннур ошый -Алие нравится Зиннур.

№13 (777850) / 18.08.2011 11:02:25

Кактус, молодец, узен бик оста сорау бирдем диюченен авызын бик оста каплагансын. Ул бит анын белэсе килудэн тугел, кызык эзлэп биргэн соравы 

№12 (777849) / 18.08.2011 10:28:59

// Инде килеп, ураза турында сүз чыккач, меңнәр-миллионннар башында әйләнгән сорау (ул сорауга җаваплар да күп булгандыр, *боргычлап*): алты ай буена - көн, алты ай - төн булган урында ничек ураза тотарга? .//
Бу сорауга җавапны күптән биргән иделәр инде. Тагын кабатларга туры килә.
Андый урыннарда уразаны Мәккә вакыты белән тотарга була. Мәккәдә ел әйләнәсендә көн һәм төн озынлыклары 11сәг. белән 13сәг. арасында тирбәлә.
Җәй көннәрендә уразаны Мәккәдә тотарга, кыш көннәрендә бездә тотарга ансат. Мөмкинлеге булган кешегә махсус ураза тотар өчен үзенә охшаган җиргә барырга була.

№11 (777817) / 17.08.2011 22:27:02

Абыстайга!
Минем җавап та шундый булыр иде!

№10 (777815) / 17.08.2011 21:50:17

Мине безнең авыл абыстае җавабы шаккатырган иде.Авыл кибетенә балык кайткач:"Менә балыкны мөселманча суеп булмый, аны ашарга ярыймы? -лип сорыйлар. "Ярый, ходай аны суеп җибәргән инде," - дигән иде.Әле дә истә.Бала чакта бүлмә тактасы артыннан ишеткән җавап.
Поляр әйләнәдән соң ярты ел түгеме соң төн?

№9 (777814) / 17.08.2011 21:43:59

Кигәвен
))) "алты ай буена - көн, алты ай - төн булган урында ничек ураза тотарга?" Алты ай үк түгел, түглен дә, но мәгънәсе аңлашыла. Бабыкай мәрхүмгә дә шул сорауны биргшән бар иде. Аның җавабы бик кыска булдңы: "Ул җирләрне, Ходай тәгалә кеше яшәү өчен яратмаган."))) Ә бит үзе 7 ел буе, ак төннәр булган Петроградта хезмәт иткән...

№8 (777809) / 17.08.2011 21:24:46

Кигәвен, шәп манчыгансың...

№7 (777808) / 17.08.2011 21:22:59

Нәтиҗә белән сәбәп мөнәсәбәтләрен бик гади -тавыкмы, күкәйме дип тә әйтеп була аны, Соры)))

Күке, кая йөрдең син, синсез күңелсез иде, шулай кыска гына ноктасына эләгә торган сүзләрең белән.

№6 (777806) / 17.08.2011 21:14:59

Әйе, надан булсам да, Вәлиулла хәзрәт ЯКУПОВ ның башка фикерләре белән килешкән булсам да, бу язмасының соңгы абзацыннан алдагысы, бернинди кысага сыймый торган әкият. Уразаны башка диндәгеләр дә тота - һәрберсе үзенчә.

Инде килеп, ураза турында сүз чыккач, меңнәр-миллионннар башында әйләнгән сорау (ул сорауга җаваплар да күп булгандыр, *боргычлап*): алты ай буена - көн, алты ай - төн булган урында ничек ураза тотарга? .

Хәзерге заманга кадәр сакланып килгән төп диннәр Якын Көнчыгышта (Ближний Восток) яралып, дөньяга таралган. Алар, үз җирлекләренә генә карап, кагыйдәләрне кабул иткәннәр. Безнең җирлеккә яки, берничә ай - көн, берничә ай - төн булган якларга туры килмәгәнен, беләбез ләбаса!

Монда, ниндидер төзәтмә кертү кирәк! Дин белгечләре, тәкъдимнәрегезне бирү - дин галимнәре, ул тәкъдимнәрне (мөселман диненең бөтен дөньяга таралган булуын, көн-төн озынлыгының төрлечә озынлыкта булуын исәпкә алып) өйрәнеп, Җир Шарының теләсә кайсы почмагына да ярашлы ураза (Сәхәр, Авыз ачу) вакытын билгели торган кагыйдә чыгарасы иде.

Кактусның фикерен ишетәсе(ишеттерәсе, башкаларга да) килә. Башкалар: Нурислам, Исмәгыйл һәм башкалар ни уйлый, көн озынлыгы һәм Ураза турында?!.

Рамадан ае Мөбарәк булсын!

№5 (777804) / 17.08.2011 21:01:33

Күке
Гипс түгел))) Акыллы сүз кем авызыннан чыкса да, аны акылсыз дип булмый бит инде.))) 
Комментарийның менә бу өлешен укымыйча гына үтеп китәм: "Бу сүзләр белән Аллаһы Тәгаләнең аятен инкар итәләр", ә калган өлеше белән килешми мөмкин түгел. Хәттә физикага каршы килә: нәтиҗә сәбәптән алда... (Хотя, Сахаровның µ-мезонлы асимметрия теориясе нәтиҗә сәбәптән алда булу мөмкин, ди)

№4 (777803) / 17.08.2011 20:49:43

Күке.

№3 (777802) / 17.08.2011 20:44:28

Гипс сине нэрсәгәдер ойрәткән икән Соры корт!

№2 (777800) / 17.08.2011 20:03:44

Хет үтерегез, бу юлы минем фикер, Кактусныкы белән туры килә...))) 

№1 (777799) / 17.08.2011 18:54:30

// Шунда Муса г-м: "Әй Раббым, шул Рамазан шәриф уразасын минем өммәтемә дә биргел", — дип соравына Аллаһ тәгалә: "Бу ураза хәбибем Мөхәммәд г-м өммәтенә генә хастыр", — дип җавап биргән икән.//
Бу әкиятне кайсысы уйлап чыгарды микән инде. Бу сүзләр белән Аллаһы Тәгаләнең аятен инкар итәләр. Аллаһы Тәгалә: "Әй иман китерүчеләр, сездән алда булган каумнәргә фарыз ителгәне кебек, ураза тоту сезгә дә фарыз кылынды, бәлки тәкъвалыкка ирешерсез". (2. 183)
Мөфтияттә бүген чак кына булса да уйлый белгән кеше юкмы инде? Килеп җиттек............

▲ Өскә

www.work-zilla.com

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar