Бакчачы редисны әрҗәгә чәчәргә киңәш итә

— Кәбестәгә тәбәнәгрәк әрҗә дә ярый, редиска биегрәген алыгыз. Бу әрҗәләр бик уңайлы, һава торышы рәтләнгәч, бакчага да чыгара аласыз. Әрҗәгә ике генә буразна сызарга кирәк. Баштан өч буразна ясый идем, уртадагы үсентеләр зәгыйфьрәк үсә. Редисның арасын 5 см калдырып чәчсәгез, яхшырак. Өстенә кар салам һәм кары эреп беткәч кенә полиэтилен каплап куям. Язын үстерү өчен редисның “Стеллар” дигән сорты тәмле, эре, тигез үсә. 

 

Кәбестә — бик әрсез культура. Аңа салкынча һава һәм кояш кирәк. Кәбестәнең иртә өлгерә торган сортлары: “Июньская” (июньдә өзеп ашау өчен) һәм “Трансфер” (июльдә өлгерә). Тагын сыналган сортлар: “Мегатон” (былтыр берсе 13 кг булды, августта җитешә), “Валентина” (тыгыз, саклар өчен яхшы, 5-6 кг тирәсе), “Агрессор” (яхшы саклана).