27.03.2025 Икътисад

Кытайга Татарстан Республикасыннан беренче партия солы экспортка җибәрелде

Агросәнәгать комплексы продукциясенең иминлеген һәм сыйфатын бәяләү федераль үзәге халыкара базарга, шул исәптән Кытай Халык Республикасына бөртекле продукцияне экспортлау номенклатурасын киңәйтү максатларында даими нигездә авыл хуҗалыгы җитештерүчеләре белән эшли.

“АПКның Ашлык сыйфатын бәяләү үзәге” ФДБУнең Татарстан Республикасы филиалы сынау лабораториясе белгечләре Татарстаннан Кытай Халык Республикасына беренче тапкыр экспортка җибәрелгән азык-төлек солы ашлыгы партиясеннән алынган пробаларны тикшерделәр. Партия күләме - 1 мең тонна. Продукция җибәрүче ашлык саклау һәм Кытайга экспортлау хокукына аттестацияләнгән.

«Лаборатория тикшеренүләре нәтиҗәләре буенча солы Кытай ягының тиешле нормаларына һәм дәүләт таләпләренә тулысынча туры килә», – дип сөйләде филиалның инспекция органы җитәкчесе урынбасары Полина Азаренко.

Тикшеренүләр Россия Федерациясе Авыл хуҗалыгы министрлыгы һәм Кытай Халык Республикасының сыйфат контроле, инспекция һәм карантин буенча Баш дәүләт идарәсе арасында төзелгән Россия Федерациясеннән экспортлана торган солыга карата фитосанитар таләпләр турындагы беркетмә нигезендә, карантин экспертизасы уздыру буенча методик күрсәтмәләр нигезендә үткәрелде.

Моңа кадәр республикадан үсемлекчелек продукциясеннән экспортка кузаклылар (күбрәк борчак), бөртеклеләр (арпа һәм бодай), майлы культуралар (рапс, горчица, җитен орлыклары) һәм ашлык эшләнмәләре продуктлары җибәрелә иде. 2024 елда “АПКның Ашлык сыйфатын бәяләү үзәге” филиалы контролендә Татарстаннан Кытай Халык Республикасына 11,5 мең тонна продукция экспортланган.

Үзара файдалы мөнәсәбәтләр партнерлыкны ныгыта һәм «Экспорт» илкүләм проекты максатларына туры килә.

Филиал белгечләре Кытай Халык Республикасына продукция экспортлау белән кызыксынучы оешмалар Россия предприятиеләренең тиешле реестрына кертелергә тиеш булуын искәртә. Моның өчен хуҗалык субъекты аттестацияләнүгә заявка бирергә тиеш.

Импортлана торган ашлыкка Кытай Халык Республикасы таләпләре белән Россельхознадзорның рәсми сайтында (https://fsvps.gov.ru/) «Экспорт/Импорт/Кытай/Ашлык экспорты» бүлегендә яисә Татарстан Республикасында “АПКның Ашлык сыйфатын бәяләү үзәге” филиалына түбәндәге адрес буенча мөрәҗәгать итеп танышырга мөмкин: Казан шәһәре, Оренбург тракты ур., 20а.

---
ТР Авыл хуҗалыгы һәм азык-төлек министрлыгы
№ --- | 27.03.2025