|
|
Бүген кемнәр туган
|
|
Архив
|
12.08.2011 Спорт
Бүген Кытайда 2011 елгы Бөтендөнья җәйге универсиадасы башланаБу – 2013 елда Казанда узачак Универсиада алдыннан соңгы Уеннар Бүген Кытайның Шеньжень шәһәрендә “студентлар Олимпиадасы” - 2011 елгы Бөтендөнья җәйге универсиадасы башлана.
XXVI Бөтендөнья җәйге универсиадасы бүген җирле вакыт белән 20.00 сәгатьтә (Мәскәү вакыты белән 16.00 сәгатьтә) “Кокон Весны” спорт комплексы территориясендә тантаналы төстә ачыла.
ТР Президенты Рөстәм Миңнеханов җитәкчелегендәге Татарстан делегациясе әгъзалары да аның шаһитлары булачак. Делегация составында Казан мэры Илсур Метшин, ТР сәламәтлек саклау министры Айрат Фәррахов, ТР транспорт һәм юл хуҗалыгы министры Ленар Сафин, ТР мәдәният министры Айрат Сибагатуллин, “Татнефть” ААҖ генераль директоры Шәфәгать Тәһаутдинов һәм башкалар бар.
Тәүге медальләр 13 августта уйнатылачак.
Соңгы мәгълүматларга караганда, 2011 елгы Универсиадада 151 илдән 12024 спортчы һәм рәсми делегация әгъзалары катнаша. Россия җыелма командасы составына 672 кеше, шул исәптән 476 спортчы керде. Татарстанны 12 спорт төрендә 38 спортчы тәкъдим итә.
Универсиада тантаналы төстә 23 августта ябыла. Аның кысаларында FISU флагы Кытайдан (Шеньжень) Россиягә (Казан) тапшырылачак.
|
Иң күп укылган
|