|
|
Бүген кемнәр туган
|
|
Архив
|
05.08.2011 Экология
ТНВдан бүләккә – чиста комлык4 август иртәсендә, "Кешеләр булыйк!" иҗтимагый акция кысаларында, ТНВ телерадиокомпаниясенең хезмәткәрләре, табигатьне чистарту теләге белән, Казандагы Аккош күленә юл тоттылар. Кулларына тырма, себерке, чүп өчен пакетлар, перчаткалар алып, Илшат Әминов җитәкчелегендә 50 кеше – ТНВ каналының танылган алып баручылары, "Яңа Гасыр" радиосының популяр ди-джейлары һәм компанияның житәкчеләре Аккош күле тирәсендәге чүпләрне җыеп алдылар.
– Аккош күле безнең гаиләнең яраткан ял итү җире. Бу акциядә катнашуымның төп сәбәбе дә шул. Шулай ук табигатьне бик яратам, аны чистартуга уземнең өлешемне кертергә теләдем. Табигатьне чистарту гражданлык позициясеннән карасаң да безнең бурыч, – ди "Татарстан хәбәрләре" тапшыруының баш мөхәррире Данил Гыйниятов.
"Кешеләр булыйк!" акциясе беренче чиратта табигатьне сакларга, бер-берсенә игътибарлырак булырга чакыра.
– Мин бу акциягә улым Арсен белән килдем. Миңа калса, балаларны кечкенәдән табигатьне сакларга, пычратмаска өйрәтергә кирәк – дип әйтә "Доброе утро" тапшыруы алып баручысы Ләйсән Дусаева. – Бу акциядан соң Арсен табигатькә игътибарлырак булыр диеп уйлыйм, чөнки ул бүген табигатьне чистарту нинди күп көч таләп иткәнне күрде.
Жыештыруның нәтиҗәсе: чуп белән күпләгән пакетлар, җыештырылган комлык һәм күл янындагы чиста урман.
– Мондый акциялар, кызганычка каршы, күп булмый. Ләкин кеше бер генә тапкыр булса да экологик акциядә катнашса, ул инде икенче вакыт, кечкенә генә чүпне дә үзе белән алып китәчәк. Әгәр һәрберебез үз артыннан җыеп калдырса, табигать пычранмас иде – ди "Яна Гасыр" радиосының баш мөхәррире Илнур Файзрахманов.
...Аккош күлендә ял итәргә яратучылар, бүгенге көннән алып, кешеләр булып кала белсеннәр иде.
|
Иң күп укылган
|