|
|
Бүген кемнәр туган
|
|
Архив
|
26.07.2011 Җәмгыять
Ял теләсә кемгә дә килешми...Татарның бөек фикер иясе, мәгърифәтче Каюм Насыйриның: “Акыл хезмәте белән шөгыльләгән кеше, физик хезмәт ярдәмендә ял итәргә тиеш” дигән сүзләре бар. Чыннан да ул үзе шулай ял итүне кулай күргән. Язу-сызу эшләрен читкә куеп балта-көрәк тотып эшләп алган. Ә ХХI гасыр кешесе катлаулы психолигик кичерешләрдән ничек бушана һәм ни рәвешле яңа көч туплый икән? Фәридә Ибраһим, “Юлдаш” газеты журналисты, шагыйрә:
- О, быелгы җәйне Аллаһының бер зур бүләге итеп кабул иттек. Идел култыгы буендагы бакчабыздан кайтып кергән юк. Җәйге ялымда кура җиләге җыеп, Идел дулкыннарында хозурланып уздырдык. Ялның бер өлешен Аллаһы боерса сентябрь аенда алачакмын. Төркиягә очарга ниятләп торабыз. Кызым шунда яшәргә китте. Быелгы көннәрнең матурлыгына, тулган айлы төннәрнең серлегенә ис-акыл китеп яшәп ятыш әле. Тулган айлы төннәрдә бигрәк тә күп язам мин. Әле күптән түгел генә Балтач якларында иҗади сәфәрдә булып кайттым. Егерме кешедән әнгәмә алдым(мактана, дип уйламагыз)! Кеше язмышлары, бигрәктә гыйбрәтле язмышларны тыңлагач:Аллага шөкер минеке болай түгел, бит әле, Аллаһы мондый сынаулардан саклый дип, мең шөкер кылам да, тагы дәртләнеп иҗат итәргә тотынам. Иң мөһиме сәламәтлек, күңел тынычлыгы кирәк адәм баласына. Күңел тынычлыгы булса, барлык сынауларны да җиңәргә була.
Раил Гатауллин “Белем. ru” порталы җитәкчесе:
-Җәйге айларда интернет кулланучылар саны 5-10 тапкырга кими. Бары тик җәйге ялларны оештыру буенча мәгълүмат бирүче сайтларда гына куланучылар артып куя. Шәхсән миңа килгәндә, ял итәргә вакыт юк әле. Эшләр шактый. Яңа проекларны тормышка ашырырга ниятләп торабыз. “Татнет йолдызлары” сайтында бәйге башладык. Ял турында сүз кузгатканда кеше төрлесен уйлый торгандыр... Мин үзем кеше елына бер мәртәбә генә ял итәргә түгел, квартал саен чит илләргә чыгарга андагы тормыш, архитектура һәйкәлләре белән танышып торырга һәм әлбәттә инде туган ил табигате кочагында да көч-куәт алырга тиештер дип саныйм.
Вил Усманов, автор һәм башкаручы, Татарстанның атказанган артисты:
- Сабан туйлары гөрләп узды. Быелгы милли бәйрәмдә җырчы буларак кына катнаштым, кулыма сөлге алмадым. Ял мәсьәләсенә килгәндә, бу яшьтән нинди ял, ди ул?! Төнлә йоклый алсам шул инде миңа ял. Яңа концерт сезонына әзерләнәбез. Алла кушса, сентябрь аенда яңа программа белән Татарстан, шулай ук Россия төбәкләрендә гомер кичерүче милләттәшләребез белән очрашырга ниятләп торам. Программада ретро җырлар һәм үзем иҗат иткән яңа әсәрләр урын алачак.
Зөлфия Вәлиева, Татарстанның атказанган артисты:
- Бик рәхәтләнеп Казаныбызда ял итеп ятабыз. Бакчага барып кыяр, помидор үстерергә дә өлгерәбез. Узган театраль сезон минем өчен бик истәлекле булды. Ниһаять 5 елга бер җитди, үзем теләгән рольне башкарырга насыйп булды. Сәрвәр образларыннан соң җитлеккән Зәйнәп образын (Хәбир Ибраһимовның “Төн яна учакта”- автор)сәхнәдә гәүдәләндерү әйтеп бетергесез иҗади ләззәт бирде. Алда әле мине тагы да сөенечле вакыйга көтә...
Монысын газета укучыларына сер булсын әле (автор).
|
Иң күп укылган
|