Илнат Фәрхуллин кайчан туй итәчәкләрен әйтте

Күптән түгел татар эстрадасы җырчысы Илнат Фәрхуллин сөйгәне Регина белән никах укытты. Регина — Илнатның төркемендәге биюче, Башкортстанның атказанган артисты. «ВТ» яшь гаиләнең хәлен белеште.

«17 декабрьгә кадәр кырык биш көн буе өйгә кайтмыйча гастрольләрдә йөрдек. Яңа елга кадәр дә тик тормадык, ә бәйрәмне тыныч кына, өйдә генә уздырдык. Шөкер, 3 гыйнвар көнне никахыбызны уздырып җибәрдек. Хәзер менә ялга киттек. Бөтен акчаны, бөтен көчебезне фәкать эшкә генә багышлап, ял турында онытылган иде. Дүрт ел буе беркайда да бармаганбыз!» — дип сөйләде Илнат.

Яшь гаилә Шри-Ланкада ял итә икән. «Бераз көч туплагач, фервральдән янә гастрольләргә чыгып китәбез. Февраль, март, апрель айлары инде планлаштырылган. Ә җәй көне, Алла боерса, туй итәбез», — диде безгә җырчы.