«V Яңа татар җыры» бәйгесенә гариза бирү өчен 10 көн калды

Быелдан башлап, “Яңа татар җыры” авторлар бәйгесенең шартлары үзгәрә. Моннан соң бәйгедә җиңеп чыккан җырның тулы авторлык хокуклары авторда калачак.

Автор хокуклары ул:

* Җырны җырлау;

* Радио һәм телевидениедә яктырту;

* Клип төшерү;

* Башка җырчыга сату;

* Закон белән каралган башка хокуклар.

Оештыручыларда җырларга карата тулы булмаган хокуклар кала.

Оештыручы хокуклары:

* Җырны гала-концертта халыкка күрсәтү;

* Аның аудио һәм видеоязмаларын радио-телевидениедә яктырту;

* Җырны төрле социаль челтәрләргә һәм музыкаль мәйданчыкларга урнаштыру;

* Закон белән каралган башка хокуклар.

Гаризалар 30 декабрьгә кадәр кабул ителә.