Бөек кеше

Юрий Владимирович беренче эш итеп, кечкенә малай әнисенең канга баткан гәүдәсен күрмәсен өчен, өстендәге пиджәген салып, хатынның гәүдәсен каплый.

 

Тиз арада милиция, ашыгыч ярдәм машинасы килеп җитә һәм авыз ачып бу һәлакәтне тамаша кылып карап торучы халык җыела. Алар барысы да аһ-уһ килешәләр, авария турында сөйләшәләр. Шулай килеп чыга – юл кырыенда елап чүгәләп утыручы малай гына ничектер бернинди дә игътибарсыз кала. 

 

Моны күреп, Никулин халык өеме арасыннан чыга да (милиция танылган актерны күреп аны туктатып тормый, бары тик честь биреп кенә кала), малай янәшәсенә барып утыра. Ул аны булдыра алганча тынычландыра, бал корты рәсеме төшерелгән галстугын муеныннан салып бүләк итә һәм аннары таксига утыртып, малай әйткән адрес буенча өенә – әбисенә кайтарырга китә. 

 

Ул көнне Никулинның япон делегациясе белән җитди очрашуы билгеләнгән була. Юрий Владимирович әлбәттә инде бу очрашуга соңга кала. Сәгать ярымга соңга кала ул, өстәвенә кабинетка пинжәксез (бу костюмны шундый протокол очрашу чаралары өчен махсус сатып алган була), галстуксыз һәм терсәккә кадәр җиңнәре сызганылган күлмәктән килеп керә. Япон делегациясе җитәкчесе Ито Кобаяси һәм аның коллегалары Никулинның тышкы кыяфәтен һәм соңга калуын үзләрен мыскыл итүгә, протоколны бозуга саныйлар һәм дәррәү торып кабинеттан да, цирк бинасыннан да чыгып китәләр.

 

Ито Кобаяси цирк директорының соңга калу сәбәбен бары тик биш ел узгач кына белә. Никулинны Япониягә чакыралар, аны алып килү өчен компаниянең самолетын җибәрәләр. Токиодагы офиста Юрий Владимировичны башларын иеп җитмеш япон кешесе каршы ала, алар барысы да пинжәксез, галстуксыз һәм җиңнәре терсәккә кадәр сызганган ак күлмәктән була. 

 

Фото: cdn.culture.ru