|
|
|
Бүген кемнәр туган
|
|
|
Архив
|
05.12.2024 Икътисад
Аз керемле гаиләләргә Яңа елга бер тапкыр 10 мең сум бирергә тәкъдим итәләрЯңа ел алдыннан аз керемле гаиләләр өчен 10 мең сум күләмендә бер тапкыр бирелә торган түләү кертү тәкъдиме белән Дәүләт Думасы вице-спикеры Борис Чернышов чыгыш ясады. Бу мөрәҗәгатьне ул вице-премьер Татьяна Голиковага юллаган, дип яза "Татар-информ" РИА Новости хәбәренә таянып. Бу инициатива өчен хәтта исем дә уйлап тапканнар - «Яңа ел гаилә бюджеты». «Яңа ел - ул гаилә бәйрәме, әмма күпләр өчен ул финанс кыенлыклары булган чорга әверелә бара. Бәяләр арту шартларында хәтта бәйрәмгә әзерлек тә түбән керемле гаиләләр, ялгыз ата-аналар һәм пенсионерлар өчен сынау булып тора», - дип билгеләп үтте парламентарий.
Вице-спикер сүзләренчә, ел ахырында федераль бюджетка файдаланылмаган акчаларның шактый күләме кайтарыла, аларны нәкъ менә бер тапкыр түләүгә тотарга мөмкин.
Чернышов искәрткәнчә, Россиядә мондый механизм 2020-2022 елларда кулланылган, ул вакытта әлеге акча хисабына COVID-19 пандемиясе чорында сәламәтлек саклау системасына ярдәм ителгән.
«Өстәмә түләү гражданнарга бәйрәм өстәле әзерләү, шулай ук балаларга бүләк тә бирү мөмкинлеге бирәчәк», - дип өстәде депутат.
--- |
Иң күп укылган
|