Марсель Сәлимҗанов истәлегенә багышланган юбилей чаралары булачак

Иртәгә татарның данлыклы режиссеры Марсель Сәлимҗановның тууына 90 ел тулуга багышланган чаралар башланып китә.

– 7 ноябрь 10.00 сәгатьтә Яңа Татар зиратында М.Сәлимҗанов каберенә чәчәкләр куела.

– 13.00 сәгатьтә Чехов урамы, 53 адресы буенча М.Сәлимҗановка мемориаль такта ачу тантанасы.

– 15.00 сәгатьтә ТР Милли музеенда күргәзмә ачыла.

– 19.00 сәгатьтә "Мир" кинотеатрында иҗади очрашу һәм "Баскетболист" спектакленең язмасы күрсәтелә.

–19.00 сәгатьтә Камал театрында юбилей уңаеннан «Тапшырылмаган хатлар» спектакленең премьерасы була.

Чараларда Татарстан Республикасы җитәкчелеге, Камал театры һәм театр труппасы катнаша.

– 7 һәм 9 ноябрь көннәрендә "Шәрык клубы" комплексында Марсель Сәлимҗанов иҗаты турында лекцияләр уза. Лекторлар: сәнгать белеме кандидаты Галина Зәйнуллина һәм филология фәннәре кандидаты Айгөл Габәши.

– 10 ноябрь 18.00 сәгатьтә Камал театрында легендар режиссер Марсель Сәлимҗановка багышланган юбилей кичәсе. Программада иҗади номерлар һәм хезмәттәшләренең истәлекләре булачак.