поиск новостей
  • 26.01-30.01 Әнвәр Нургалиев. Уникс
  • 29.01-30.01 Премьера! "Алтынчәч", 12+, Кариев театры, 18:00
  • 02.02 Премьера!" Сөннәтче бабай", 12+, Кариев театры, 18:30
  • 03.02 "Ак чәчәкләр кебек...", 12+, Кариев театры, 18:30
Бүген кемнәр туган
  • 23 Гыйнвар
  • Ркаил Зәйдулла - язучы
  • Алсу Исмәгыйлева - журналист
  • Равил Галиев - җырчы
  • Альберт Кәримов - дәүләт эшлеклесе
  • Ринат Шәмсетдинов - регбичы
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Казан шэхэренен Жилплощадка бистэсендэ бер хужа (50 яшьлек ир)ике булмэле квартирага ике егет кертэм. Тулэу жан башына 4000. Квартира барлык унайлыклары белэн.Хужанын начар гадэтлэре юк.тел.вацап 89027159146
  • Озак вакытка торырга бер бүлмәле фатир бирәбез. Казан шәхәре, Вахитов районы, Хороводная,50 ("Рустәм" мәчете янында). 50 м2,2 лоджия. Яшәр өчен барлык җигазлар бар. Бәясе - аена 23 мен сум + ку. Риэлторларсыз. 89655886519.
  • Сдаю 2 комн.квартиру на Спартаковской 88б, с мебелью,бытовая техника,охраняемый двор,в отличном состоянии.с.89276766077
  • Узем белэн бер булмэле квартирада торырга бер кыз эзлим. квартира фатых амирхан урамында урнашкан, 13 000 все включено. Ватсапка язырга яисэ шалтратырга аласыз элеге номерга 89872711348
  • Набережные Челны! Делаю ручной и вакумно- аппаратный массаж. А так же сухая хиджама.+79520427894 Мунира.
  • КАЗАН ШЭХЭРЕНДЭ ГРУЗЧИК, ГАЗЕЛЬ, КАР КОРЭУ ХЕЗМЭТЕ КУРСЭТЭБЕЗ... 89196271171
  • Ярылган хэм ярылмаган букэнлэнгэн утын сатабыз. 89274194883
  • Төшегезгә ерак бабаларыгыз-әбиләрегез фәрештә булып керсен дисәгез, сез аларга догада булыгыз. Исемнәрен белмисеңме? Шәҗәрәгез юкмы? Нәсел тамгагызны да белмисезме? Бу бит хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
 
 

 
Архив
 
22.08.2008 Ир белән хатын

ИКЕ ХАТЫН РӘХӘТЕ

Халыкта "кырыктан соң шырыкка" дигән әйтем бар. Татарстанның бер районында яшәүче 50 яшьлек Сәлим абыйның ике хатын белән торуын ишеткәч, әлеге әйтемнең кайберәүләргә бик үк туры килмәвен аңладым.

С әлим абыйны яшь вакытында киң җилкәле, ярсу йөрәкле, тимер бөгәрдәй көчле егет буларак искә ала күршеләре. "Кич утырганда, 120 ле кадакларны бөкләп, безне шаккатыра иде. Шуңа да без, яшь-җилкенчәк кызлар, гашыйк булып, ничек тә аны үзебезгә каратырга тырыштык", – ди күршесендә генә яшәп ятучы яшьлек мәхәббәте.

 

Сәлим абый үзенчәлекле тормышының газета укучылары өчен кызыклы икәнен белеп яши. Сөйләргә теле "кычытып" торганы да сизелде. Әмма туган авылын, исем-фамилиясен үзгәртеп бирүне үтенде. "Авылдашлар белә инде ике хатыным барын, туганнарга әлегә хәтле хәбәр итәргә оялам. Бик йөрешмибез дә, шулай да белсәләр, ничек күзләренә күреним", – диде ул.

 

Вәгъдә – иман диләр, мәкаләмдә исемнәр үзгәртелеп бирелә. Нишлисең бит, апалы-сеңелле хатыннар белән торучылар бик сирәк. Аның җавапларын ничек әйтелгән – шулай язарга тырыштым.

 

"Минем ике хатын, җитмәсә апа-сеңел белән тору бөтенләй уемда да юк иде. Кечкенә генә агач өйдә Зәмирә белән үз көнебезне үзебез күреп ята идек. Мин җәй көне – төрле эштә, кышын фермерларга ялланып, ярыйсы гына акча эшләп ала идем. Шулай ике ел яшәгәч, хатынның сеңлесе, ягъни балдыз була инде, Казандагы эшендә кыскартуга эләкте һәм бүтән шөгыль, тору урыны булмагач, безгә кайтты. Мин инде каршы килмәдем. Әйдә, яшәсен, эш тапкач китәр әле дип кул гына селтәдем. Ә язмыш дигәнең әйтеп бетергесез хәйләкәр булып чыкты.

 

Ике-өч ай без аның белән "балдызым-ялгызым", "җизнәкәй" булып йөрдек. Өйне чиста тоттылар, ашарга пешкән, өс бөтен булды. Балдыз килеп, өч айлап торганнан соң, Зәмирәгә операция ясадылар. Ике ай хастаханәдә изалангач, тагын әллә нинди авырулар тактылар аңа. Менә шул вакытта башланды да инде безнең чуалулар.

 

Беркөнне мин, кәефләнәсем килеп, кибеттән шәраб алып кайттым. Гел кайгырып яшәп булмый бит инде. Зәмирә турында сөйләшә-сөйләшә, балдыз белән эчеп бетергәнбез. Күптәннән ир назы күрмәгән, җиңелчә башы әйләнгән балдызга шул җитә калганмы, миңа: "Җизнәкәй, инде күпме сездә торам, акча да түләгәнем юк..." – дип тәкъдим ясамасынмы! Укучылар гафу итә күрсен, әмма нечкә билле, озын толымлы, ягымлы хатын үзе тәкъдим ясап торганда, кайсы гына ир-ат каршы килер иде икән? Мин дә каршы тора алмадым. Нинди гөнаһ эшләгәнебезне икенче көнне, бер-беребезнең күзенә карарга оялып йөргәндә генә аңладык. Әмма икенче, өченче төннәрдә дә без бер-беребезгә якынаерга ашыктык. Тыелган җимеш тәмле була, дип юкка гына әйтмиләр икән шул. Кешедә 20 яшьтә – хисләр, 30 яшьтә – талант, 40 яшьтә акыл патшалык итә диләр. Ә минем нәкъ киресенчә килеп чыкты.

 

Зәмирә апаң, 4 ай хастаханәдә ятып, савыгып кайтты. Баштарак безнең араны сиздермәскә тырышып йөрдек балдызкай белән. Бер-ике атна узгач, әйтеп салдым мин бөтенесен. "Мин барысын да беләм инде, Сәлим. Син минем йөземә төкергәнсең. Икенче яктан, мин шат, син, чит хатыннарга күз салганчы, сеңелемнең күңелен күргән­сең. Бәлки безгә киләчәктә шулай яшәргәдер. Ике хатының булыр, ул барыбер эшкә кермәячәк. Мин чынлап әйтәм..." – дип мине чак һуштан яздырмады. Бу сөйлә­шү­ләр тагын ике-өч тапкыр кабатлангач, мин дә ризалыгымны белдердем. Менә шулай итеп, абзагыз ике хатын тота башлады.

 

Безнең арада көнләшү дигән нәрсә юк. Зәмирә теләк белдергәндә, балдызкаем ишегалдына чыгып, берәр шөгыль таба, яки киресенчә. Мунчаны да чиратлашып керәбез. Элек салкын мунчада 5-10 минут юынып, тизрәк өйгә кайту ягын карый идем, хәзер икешәр-өчәр сәгать кайнар мунча кермәсәм, күңелем булмый – өйрәтеп бетерделәр.

 

Башны ташка бәрсәң дә, ташны башка бәрсәң дә баш ярыла бит. Менә мин бәрелмәскә тырышам инде. Хәер, алай ук искитәрлек тавыш булганы да юк. Бервакытны гына Зәмирә, сеңелемә күбрәк игътибар күрсәтәсең, дип бераз шаулап алган иде. Аның каравы, хәзер алар ятакта көндәшләре барлыкны белеп тырышалар. Бәлки шуңа да минем гайрәтем яшь вакыттагычадыр. Һәр хатын-кыз үзен алыштыргысыз һәм теләсә кайсы бүтән хатын-кызны алыштырырга сәләтле дип саный бит. Алар арасында да шундый кечкенә генә көндәшлек хисе бар шикелле.

 

Уң як күршем Наил: "Афәрин, малай, булдырганның беләгеннән билгеле", – дип мактый, кайберләре "юньсезләр" дияргә дә күп сорамый. Заманасы шундый булгач, күпләрнең әллә ни исе дә китми. Апаларга гына белгертмәскә тырышам. Хәер, без капчыкта ятмый, барыбер кайчан да булса мәгълүм булачак. Иң мөһиме – без тату, дус булып яшибез. Балдызкаем бәби алып кайту турында да сөйләнә башлады. Әле бит аңа 40 яшь кенә".

 

Менә сиңа "40 яшь кенә"! Заманага сылтап кына апа-сеңелне хатын итү дөрес хәл түгел, әлбәттә. Әмма икенче яктан караганда, тату, дус гаилә булып торалар икән, нигә икесе белән дә яшәмәскә ди. Сәлим абый хатыннарын миңа күрсәтүне кирәк тапмады. "Язганны белмәсеннәр инде алар. Хәер, без бозык тормыш алып бармыйбыз, анысы, мин аларны уттан да, судан да, кеше сүзеннән дә саклыйм. Димәк, булдырам, дөньяның артына тибеп яшим", – диде ул саубуллашканда.


Нәфис САФИУЛЛИН
Ватаным Татарстан
№ 176-177 | 22.08.2008
Ватаным Татарстан печать

Фикерләр

Исем:
E-mail:
Текст:
 
№26 (45566) / 30.05.2010 13:00:46

Күке, курыка. :) Мин бары тик үз фикеремне генә язам, как и все. Кияүгә әле иртәрәк. Укыйсым бар.

№25 (45564) / 30.05.2010 12:13:28

Менә ичмасаа темааа! Яшь кыз кайлардан гына актарып табасыңдыр бу материалларны!!!!
Агидел сылуы буларак күз алдына киләсең! соңгы арада интим темалар белән артыграк маташасың бугай. Срочно кияүгә биреп куясы иде үзеңне, бер-бер нәрсә майтарып ташлаганчы.

№24 (45563) / 30.05.2010 11:33:23

Бу "гаиләдә" туганлык хисе бик югары урында, күрәсең. Сеңлесе я карт кыз, я аерылып кайткандыр, шуңа Зәмирәсе бертуганын кызгангандыр инде. Бер сорау борчый: балалары бар микән? Булса, алар моңа ничек карыйлар икән? Булмаса. барысы да аңлашыла: людям делать нечего, не знают чем больше заняться, рәхәтлеккә чыдый алмыйлар. Бәлки әле Зәмирәсе юри сеңлесен үзләренә чакырып кайтарткандыр, кем белә? Алар күптән бүлешеп, сөйләшеп, договориться итеп куйганнрдыр инде барысы турында да. Үзенең больницада ятасын белгәндер, иренең башкалар белән чуалуын теләмәгәндер. Лучше знать от кого бояться, чем жить в неведении дигән принцип белән эш иткәндер.

№23 (19268) / 09.06.2009 00:12:21

уфффффф почти бертуган иренннен синен алда гына кем белэндер йоклавын,кемнедер яратуын ничек тузэргэ була?кыргыйлык бу кыргыйлык..........

№22 (17038) / 22.04.2009 09:26:01

дэртле, син алар белән берсе артыннан берсе йоклар идеңме, әллә инде икесе белән сразу бергәме?

№21 (17037) / 22.04.2009 09:20:47

Әстәгъфирулла...

№20 (17030) / 21.04.2009 23:01:03

Карт хатын,син,а ничэ?Тос-кыяфэт ярыйсыдыр?Мин буген риза сине икенче хатынлыкка алырга.Чонки хатыным белэн йоклагач,эле тагын ике хатынга ж,итэрлек дэртем кала.Табигать бит,минем азгынлыгым,бозыклыгым тугел,нишлэтим?!

№19 (5510) / 04.09.2008 20:11:33

Я тут как тут.

Буген куп ирлэрнен сояркэлэре бар шулай ук шактый хатын-кызныкы да.бу нормаль куренеш санала имештер
кемнен баласы кем икэнен дэ белмилэр эле шул балалары бер -берсенэ никяхлашып та торучылары була бу да факт.Э ике хатын белэн яшэучене динозавр урнына курэлэр. бу Абзыйнын ялгышы шунда бер юлы апалы сенелле хатын тоту тыела шэригаттэ э болай маладис шикелле узе

№18 (5500) / 04.09.2008 16:59:40

Кызык, э балалары бармы икэн, булсалар ни диялэр икэн

№17 (5226) / 30.08.2008 11:53:53

боген 3 кызхатынга 2 ират туры килгэнне исэпкэ алганда, эгэр мэжбурилек булмаса, никахлы булсалар, беркемнен дэ бу кумэк гаилэне сугэргэ, оялтырга хакы юк. Абзый урамда остерэлеп йорми, гулять итми...
Тоталар да ирлэрне сугэ башлыйлар, алар кем белэн гулять итэ сон? Кем аздыра аларны? Монда да инициатива кемнэн чыккан? Шул шул...
Боген хатыны, балалары остеннэн себерелуче ирлэрне, хатыннарны гажэпсенмибез, э мыни мондый гаилэлэр турында ужас дибез. безнен хэркайсыбызга паталогоанатом (Скальпель син кайда) кирэк, психолог ярдэме кирэк. Мы сами извращенцы... Миндэ бу гаилэгэ карата нэфрэт тэ, соклану да тумады. Тик мактанчык, серне чишэргэ атлыгып торган абзыйга хормэтем юк, канишны. Алай дисэн, журналист каян чыгып язар иде моны, эгэр уз фантазиясе генэ булмаса эле бу... Узе уйлап чыгарса да, тормышта мондый халлэр бар. Минем кургэнем бар. ну шик кенэ туып калды бер гаилэгэ. Тучны белмим Алар кешегэ белдертми.

№16 (5217) / 29.08.2008 20:58:03

Один яхшы, а два тагы да яхшы

№15 (5189) / 29.08.2008 12:41:53

Карт кыз, сине алмаслар шул. Кашын ямьсез (смайликны карап эйтуем)

№14 (5183) / 29.08.2008 12:21:09

Э мин яшэр идем эле икенче хатын булып та...

№13 (4982) / 25.08.2008 14:10:02

Хатындәүкә, кешегэ сайлау момокинлеге бирелэ. Хэмер эчудэ шулай ук

№12 (4977) / 25.08.2008 12:19:31

Хы... Боламык кебек, минем дә тәнкыйтълисем килми. Көнчелек юк дигәненә ышанып булмый. Һәрбер хатын-кыз да көнләшә инде ул, кемдер эчтән янса, икенчеләре тавыш-гауга куптара. Ә бу абзый тагын бер тапкыр ирләрнең ниндилеген күрсәтә. Хәләл җефетенең барып хәлен белер урынына сеңлесенең күңелен күреп яткан!

№11 (4973) / 25.08.2008 11:37:23

Оят дигән нәрсә булырга тиеш.Тыела белергә кирәк, ахыр чиктә.Балалары бармы икән бу агайның? Нәрсә диләр икән? Ниннди ата инде бу???

№10 (4932) / 24.08.2008 08:12:01

Эстэгафирулла!

№9 (4917) / 23.08.2008 09:03:20

Фикерләү дәрәҗәбез шундый үсештә билдән аска темалардан башка кызык тапмый башладык.Нинди фәхишәлек нинди бозык тормыш рәвеше бар шулар матбугатта чыга, алкышлана...

№8 (4908) / 22.08.2008 18:13:52

Хәмер дә тыелган бит! Әмма эчәбез
Ник соң ир белән хатынга калгач кына чәчрәп чыктың?

№7 (4903) / 22.08.2008 17:33:37

Исламда апалы-сенелне хатын иту кискен тыела бит

№6 (4901) / 22.08.2008 17:31:31

Байлар Сабасы, 
Юк. Нәфис Сафиуллин ул робот түгел. Минем аны күргәнем бар.

№5 (4899) / 22.08.2008 17:04:24

Кичэ Матбугат руга порноспам тараттылар. Бу да шул робот эше тугел микян?

№4 (4897) / 22.08.2008 16:52:04

Абау!!! Бу статьяны точно ВТ бастырганмы???

№3 (4896) / 22.08.2008 16:47:05

Булдыра алалар икән - яшәсеннәр! Афәриннән башка сүз. Ике хатын белән дә, егерме хатын белән дә яшәсеннәр. Моннан чит кешегә зыян юк бит.

№2 (4895) / 22.08.2008 16:30:48

Мин дә ике хатынлы ирне беләм. Хатыннары кара-каршы йортта гына яши. Бер=берсе белән талашмый. Мужик әле берсендә, әле икенчесендә куна. Икесенә дә машина алып бирде. Кыйммәтле түгел конечно, но машина кайда да машина инде. Ул кешене маладис дияргә дә телем әйләнми, әллә ник тәнкыйтьлисем дә килми.

№1 (4892) / 22.08.2008 16:05:27

эзерэк шэригаткэ туры килеп бетмикэнишне ну абзан молодейц

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
Татар телен саклау һәм үстерү мәсьәләләре комиссиясе
Piter.tatar