|
|
Бүген кемнәр туган
|
|
Архив
|
28.06.2011 Җәмгыять
Эсседә ничек түзим?Җәен су коенып, кызыну, чит илгә барып кайту мөмкинлеге булганга, бу ел фасылын аеруча яраталар. Ләкин көн дә ял итеп булмый, кызу офисларда утырырга, кайбер кешеләргә көне буе кояш астында эшләргә туры килә. РФ сәламәтлек саклау һәм социаль үсеш министрлыгы хәбәр итүенчә, җәен кан басымы күтәрелү, ашказаны-эчәк инфекциясе, тычкан чире йоктыру очраклары арта. Ничек кенә сәер тоелмасын, тамак шештереп авырып ятучылар да сирәк түгел. Эсседән күбебезнең кинәт кенә башы әйләнә башлый.
Җәйге челләдә дә үзеңне ничек яхшы хис итәр, чирләмәс өчен нишләргә соң?
1. Күп кенә биналарда җәен кондиционер кушыла. Әгәр сезгә бу бүлмәдә озак утырырга туры килә икән, салкын һава чыганагыннан ераграк урнашыгыз. Кондиционер эш бүлмәгез икән, аны вакыт-вакыт кына эшләтеп алыгыз. Аннары, кая гына барсагыз, үзегез белән пиджак йөртегез. Бу кондиционер эшләгән бүлмәдә туңмас өчен дә, кинәт кенә яңгыр тотынган очракта да, менә дигән саклану чарасы. Бүлмәдәге, транспорттагы үтәли җил дә тамак төбе ялкынсыну, ютәл китереп чыгарырга мөмкин.
2. Артык баллы, газлы сулар эчүдән баш тартырга кирәк. Чөнки эсседә торган саен күбрәк күп эчәсе килә. Ә су ашказына төшеп, андагы сыекча белән кушыла. Шул сәбәпле ашказанындагы тоз кислотасы кими. Бу гастрит, панкреатит, колит көчәюгә китерә, агулану ихтималын арттыра.
Чиста су, җиләк-җимеш соклары, яшел чәй, шулпалы ашлар ашау сусауны киметә төшә, сыеклыкның ашказаны, бөер, йөрәккә тәэсирен азайта. Көненә уртача 2,5 литр сыеклык кулланылырга тиеш.
Башка ризыкларда да чама белергә кирәк. Табиблар җәй көне өстәлдән тамакны туйдырмыйча китәргә киңәш итә.
3. Салкын урыннарда утыру, эсседән суык суга керү яки юеш тән белән кояшта кызынуның зарары зур. Болардан бигрәк тә балаларны сакларга кирәк.
Миләүшә ЗАКИРОВА |
Иң күп укылган
|