|
|
Бүген кемнәр туган
|
|
Архив
|
24.06.2011 Сәясәт
Медведев очраса, нәрсә сорар идегез?Бүген Казанга Россия Президенты Дмитрий Медведев килә. Сезгә Дмитрий Медведев белән очрашу мөмкинлеге бирелсә, аңа нинди сорау белән мөрәҗәгать итәр идегез? Ренат ХАРИС, ТР халык шагыйре:
– Нигә бик еш газета, телевидение, радиодан ил җитәкчелеге бер әйберне вәгъдә итә дә, бер атнадан шуның нәкъ капма-каршысы эшләнә? Мисалга ТКХ һәм автомобиль ягулыгына караган мәсьәләләрне китереп була. Ил башына тагын бер соравым шул: Россия җитәкчелеге чын язучыларны кайчан күрә башлар икән?
Гөлназ НИГЪМӘТҖАНОВА, 131 нче лицейның татар теле һәм әдәбияты укытучысы:
– Укытучыларның хезмәт хакына кагылган сорау – мәңгелек проблемадыр инде ул. Моннан тыш йөрәккә үткән тагын бер мәсьәлә: педагогларны кайчан кешегә саный башларлар? Мәктәптә ялгыш ясалган һәр адымыбыз өчен штраф йә эштән куу белән яныйлар. Мәсәлән, БДИ вакытында телефонына смс килгән өчен бер укытучыга 40 мең сум штраф чәпәделәр. Ә безгә бит имтихан алдыннан беркем дә инструкция үткәрмәде, БДИда катнашуыбыз хакында рәсми ризалык алынмады, “ярый-ярамый” кебек кагыйдәләр дә өйрәтелмәде. Эше озакламый судта каралачак.
Фәрдия СӘФӘРГАЛИЕВА, Татар яшь тамашачылар театрының әдәбият бүлеге җитәкчесе:
– Мондый мөмкинлек гади халык өчен хыялда гына туадыр инде ул. Шуңа сораудан бигрәк теләк җиткерер идем. Илдә тынычлык саклап, халкын теракт, гаугалардан яклый алырлык җитәкче булыгыз, дип әйтер идем. Иң мөһиме исән-имин яшәү бит.
Раяз ФАСЫЙХОВ, җырчы:
– Нигә бездә кирәкмәгән салымнар саны шул хәтле күп, дип сорар идем. Икенче борчыган мәсьәлә: бензин бәясенең һаман өскә үрмәләве. Нефть табучы ил буларак, бездә аның бәясе түгел, сыйфаты югары булырга тиеш югыйсә. Әлегә вәзгыять капма-каршы.
Наталья ГАТАУЛЛИНА, шәхси эшмәкәр:
– Кече бизнес һәм шәхси эшмәкәрләргә шартларны яхшыртабыз дип күпме вәгъдә итсәләр дә, нәтиҗәсе күренми. Базарларны ябалар, сатучыларны урамга куып чыгаралар, алар урынына зур сәүдә йортлары салына. Әнә шул проблеманы кешеләрне эшсез калдырмыйча хәл итеп буладыр бит?! Кемнеңдер тормышын яхшырту өчен башкаларны икенче сортлы итеп калдырырга кирәкмени?
|
Иң күп укылган
|