|
|
Көн мәзәге
![]()
|
Бүген кемнәр туган
|
|
|
Архив
|
03.07.2024 Хәвеф-хәтәр
Шартлаудан зыян күргән балалар ни хәлдә?Һәлак булган хатын аларның әнисе дигән сүзләр дөреслеккә туры киләме? Кичә Стәрлетамактагы күпкатлы йортта көнкүреш газы шартлады. Домофон камерасыннан видео шунда ук социаль челтәрләрдә таралды: яшь хатын подъезд ишеген ачып, кечкенә кызын һәм коляскадагы баласын тышта калдырып эчкә керә, ә берничә минуттан соң көчле шартлау яңгырый. Аның дулкыны ишек төбендә торган баланы алып очыра, коляска ава... Балалар бик каты кычкыра һәм елый башлый. Тиздән бу фаҗига нәтиҗәсендә йортта яшәүче хатын-кызның һәлак булуы турында мәгълүмат таралды һәм, әлбәттә, күпләр сүз нәкъ менә шушы хатын турында бара дип уйлады. Имеш-мимешләр расланмады. Лилиянең дуслары «КП-Уфа»га гаиләнең ничек котылып калуы һәм хәзер нинди хәлдә булуы турында сөйләгән.
- Лилия балалары белән поликлиникага барган. Кайтканда кибеткә азык-төлек алырга керәләр. Өйгә якынлашканда, Лилия олы кызыннан урамда кечкенә баланы карарга сорый, ә үзе пакетларны фатирга мендереп куеп, балалары артыннан төшергә ниятли. Ул өйгә кереп кенә өлгерә, шартлау була, - дип сөйли хатынның дусты. - Лилия үзе зыян күрми диярлек, аның олы кызы кулын сындырган һәм башы җәрәхәтләнгән, кечесенә бик аз гына тия, шулай ук башы имгәнгән, тырналган җирләре бар. Аларны дәваханәгә алып киткәннәр, тикшергәннәр һәм кирәкле ярдәм күрсәткәннәр. Бәхетле очраклылык белән котылдылар, дип әйтергә була.
Һәлак булган кеше 66 яшьлек фатир хуҗабикәсе икән. Тагы да шартлаудан 5 кеше зыян күрде.
--- |
Иң күп укылган
|