«Мир»да махсус хәрби операция турында документаль фильмнар циклын төзүчеләр белән иҗади очрашу узды (ФОТО)

«Мир» кинотеатрында «Казан-Лисичанск» документаль картиналар циклын төзүчеләр белән иҗади очрашу узды. Кинотасмалар сериясе СВО зонасында фронт сызыгы янында, Татарстан Республикасы ведомствосы карамагындагы торак пунктларында: Лисичанск, Рубежный, Новодружеска, Привольеда төшерелә.

Кинорежиссер Алексей Барыкин сәламләү сүзе белән чыгыш ясап: «Без үз алдыбызга кинохрониканың зур катламын төшерү бурычын куйдык, ул киләчәккә калачак һәм, бәлки, фильмнарны алга таба төшергәндә кулланылачак. Бездә 80 сәгать материал тупланды. Бу өч тәүлектән артык уникаль эчтәлек», дип билгеләп үтте.

Татарстан мәдәният министры урынбасары Ленар Хәкимҗанов циклның фронт зонасында булмаган тамашачыларда көчле тәэсир калдырачагын ассызыклады: "Төшерү төркеме яңа буынны укытуга һәм тәрбияләүгә зур өлеш кертте. Бу бик кыйммәтле кадрлар, алар тамашачыларны битараф калдыра алмый. Җирле халыкка безнең ярдәм һәм аларның зур илнең өлеше булуын аңлау мөһим".