Үтергән, тураклаган, күмеп куйган

Стәрлебаш районара суды бу елның март ахырында «Үтерү» мәддәсе буенча хөкем ителгән кешегә карата гаепләү карары чыгарды. Инстанциянең матбугат хезмәтендә искә төшерүләренчә, ир-ат үз өендә таныш хатыны белән соңгысының мыскыллаулары аркасында талашкан. Аннары аны буып үтергән. Аның үлгәнен аңлагач, мәетне тураклап, пакетларга тутыра һәм аларны Стәрлебаш авылы янындагы җир участогына алып чыгып күмеп куя.

 

Кыз бер айга якын хәбәрсез югалган булып саналган, полиция хезмәткәрләре оператив чаралар барышында зыян күрүченең хәрәкәтен видеокүзәтү камералары аша күзәткән, ир-атның шәхесен ачыклаган һәм аны яшәү урыны буенча тоткарлаган. 38 яшьлек гаепләнүченең өен тикшергәндә, ул тикшерүчегә кылган эше турында хәбәр итә, аннары гәүдәнең кайда булуын күрсәтә.

 

Үтерүчене 9 елга каты режимлы төзәтү колониясенә хөкем итәләр. Моннан тыш, ул кызның әнисенә мораль зыянны каплау өчен 2 млн сум түләргә тиеш булган.

 

Хөкем карары белән килешмичә, зыян күрүче һәм аның адвокаты суд карарына апелляция шикаятьләре бирә. Алар хөкем карарын билгеләнгән җәза ягыннан, шулай ук мораль зыянны компенсацияләү ягыннан үзгәртүне сораган. Шулай ук Стәрлебаш районы прокуроры тарафыннан хөкем карарына апелляция тәкъдиме кертелде, дип хәбәр иттеләр судта.

 

20 майда җинаять эше Башкортстан Югары судының Җинаять эшләре буенча суд коллегиясе тарафыннан каралды. Стәрлебаш районара судының 25 марттагы карары үзгәрешсез калдырылды.

фото: башинформ

Автор:Резеда Галикәева