Яшь ана наркоздан соң уянмаган

30 яшьлек булачак ана перинаталь үзәккә планга ярашлы килгән. Табиблар гомум наркоз астында кесарев кисеменә әзерләнгән, чөнки хатынның эпидураль һәм спинальанестезиягә аллергиясе булган.  Операция уңышлы үткән һәм дөньяга  ике сәламәт кыз бала туган. Операция тәмамлангач, табиб-анестезиолог наркоз җибәрүне туктаткан әмма хатын  үзаллы сулыш ала алмаган һәм аны ИВЛ аппараты астында тотарга туры килгән. Авыруның мускуллар активлыгы булмаган, ул  һушына килмәгән. Шул ук вакытта күзләренең яктылыкка реакциясе булган, кан басымы күтәрелгән.

 

Табиблар  хатында холинэстераза дефициты бардыр дип шикләнгән. Бу наркоз препаратының канда тиз таралырга  мөмкинлек бирми торган ферментның бүленүен киметүгә китергән ген мутациясе.

 

“Телемедицина мөмкинлекләре ярдәмендә перинаталь үзәк белгечләре республика перинаталь үзәгенең акушерлык буенча дистанцион үзәге белән элемтәгә чыккан. БР Сәламәтлек саклау  министрлыгының акушерлык һәм гинекология буенча штаттан тыш белгече Ирина Фаткуллина белән берлектә алар махсус тест үткәргән. 35 минуттан анестезиология препаратларының “блок куючы”  тәэсирен туктатканнар”, – дип хәбәр итә сәламәтлек саклау министры Айрат Рәхмәтуллин.

 

Ведомство җитәкчесе аңлатуынча, бу авыруның билгеләре бары тик анестезия вакытында гына барлыкка килә. Препаратлар кабул иткәч, пациентларда озак вакыт мускуллар параличы һәм үзаллы тын ала алмау билгеләре күзәтелә. Әлеге вакытта яшь ананы ике баласы белән канәгатьләнерлек хәлдә перинаталь үзәктән чыгарганнар. 

Фото:Айрат Рәхмәтуллинның Телеграм-каналыннан.