поиск новостей
  • 26.01-30.01 Әнвәр Нургалиев. Уникс
  • 29.01-30.01 Премьера! "Алтынчәч", 12+, Кариев театры, 18:00
  • 02.02 Премьера!" Сөннәтче бабай", 12+, Кариев театры, 18:30
  • 03.02 "Ак чәчәкләр кебек...", 12+, Кариев театры, 18:30
Бүген кемнәр туган
  • 23 Гыйнвар
  • Ркаил Зәйдулла - язучы
  • Алсу Исмәгыйлева - журналист
  • Равил Галиев - җырчы
  • Альберт Кәримов - дәүләт эшлеклесе
  • Ринат Шәмсетдинов - регбичы
  • УБОРЩИК ТЕРРИТОРИЯ (ДВОРНИК) ИР КЕШЕ ЭЗЛИБЕЗ ЭШ УРЫНЫ УЛ.ЧУЙКОВА УРНАШКАН, 67 ЯШЬТЭН ОЛЫ БУЛМАСЫН! 5/2 7:00,16:00 БЕР СЭГАТЬ ОБЕД ТЕЛ 89957664503
  • Казан шэхэренен Жилплощадка бистэсендэ бер хужа (50 яшьлек ир)ике булмэле квартирага ике егет кертэм. Тулэу жан башына 4000. Квартира барлык унайлыклары белэн.Хужанын начар гадэтлэре юк.тел.вацап 89027159146
  • Озак вакытка торырга бер бүлмәле фатир бирәбез. Казан шәхәре, Вахитов районы, Хороводная,50 ("Рустәм" мәчете янында). 50 м2,2 лоджия. Яшәр өчен барлык җигазлар бар. Бәясе - аена 23 мен сум + ку. Риэлторларсыз. 89655886519.
  • Сдаю 2 комн.квартиру на Спартаковской 88б, с мебелью,бытовая техника,охраняемый двор,в отличном состоянии.с.89276766077
  • Узем белэн бер булмэле квартирада торырга бер кыз эзлим. квартира фатых амирхан урамында урнашкан, 13 000 все включено. Ватсапка язырга яисэ шалтратырга аласыз элеге номерга 89872711348
  • Набережные Челны! Делаю ручной и вакумно- аппаратный массаж. А так же сухая хиджама.+79520427894 Мунира.
  • КАЗАН ШЭХЭРЕНДЭ ГРУЗЧИК, ГАЗЕЛЬ, КАР КОРЭУ ХЕЗМЭТЕ КУРСЭТЭБЕЗ... 89196271171
  • Ярылган хэм ярылмаган букэнлэнгэн утын сатабыз. 89274194883
  • Төшегезгә ерак бабаларыгыз-әбиләрегез фәрештә булып керсен дисәгез, сез аларга догада булыгыз. Исемнәрен белмисеңме? Шәҗәрәгез юкмы? Нәсел тамгагызны да белмисезме? Бу бит хәл итәрлек мәсьәлә. Дәүләт архивлары чыганаклары буенча шәҗәрәгезне төзеп бирәм. Шәҗәрәҗәге барлык фактларны архив документының фотокопиясе белән раслыйм. Бу өлкәдә эш тәҗрибәм 8 ел. Тел./Ватсап: 8–917–874–16–40 Tongekuk@gmail.com Дамир Шәйхетдин.
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
 
 

 
Архив
 
18.05.2011 Медицина

Авылча авыру

Тиздән илнең сәламәтлек саклау өлкәсе янә үзгәрешләр кичерәчәк. 2013 елда бу өлкәдә башланачак реформа “Россия Федерация­сендә гражданнарның сәламәтлеген саклау нигезләре турында”гы закон проектында тәфсилләп язылып, шушы көннәрдә Дәүләт Думасына кертелгән.

Узган елда ук эшләнә башлаган закон проекты, алдагы программа һәм законнардан аермалы буларак, беренче мәртәбә, медицина оешмаларын медицина хезмәте күрсәтүнең сыйфатына һәм кү­ләменә карап турыдан-туры финанслауны күздә тота. Чөнки моңарчы аларга акча төрле инстанцияләр аша килде һәм шактый өлеше кайдадыр “утырып” калды. Нәтиҗәдә поликлиника, хастаханәләрнең кү­бесе хан заманыннан бирле ремонт күрмәгән, җиһазлар, аппаратуралар иске, даруларны үзең белән алып киләсе, операция кичерсәң, хирургка да, шәфкать туташларына да түлисе, кайбер төр тикшеренүләрне башка хастаханәгә барып үтә­се булды. Яңа закон гамәлгә кергәч, имеш, бар да үзгәрәчәк.

 

Яңа проектның иң төп яңалыгы: системага сәламәтлек саклау стандартлары керт­мәкче­ләр. Алар меңнән артык булыр дип фаразлана. РФ сәла­мәтлек саклау һәм социаль үсеш министры урынбасары В.Скворцова аңла­туынча, бу ке­шегә медицина ярдәме күрсәтүдә адымлап һәм һәр этапны бәйнә-бәйнә анализлап эш итү дигән сүз. (Тагын кәгазь боткасына чумып, кеше онытылмаса!)

 

Элеккеге законнардан аермалы буларак, монысында беренчел медико-санитар ярдәм һәм ашыгыч ярдәм күрсәтүне финанслауда да яңалык бар. Моңарчы бу төр ярдәм күрсәтүдә медицина оешмаларын җирле үзидарә органнары аша финансладылар, хәзер инде бу эш белән турыдан-туры төбәк министрлыклары шөгыльләнәчәк.

 

Яңа законда төп юнәлеш авыруны дәвалауга түгел, ә профилактикага, ягъни чирне кисәтүгә юнәлдерелә. Принципта начар идея түгел бу үзе. Ләкин без бу җәһәттән ким дигәндә егерме елга соңга калдык бугай. Табиблар үзлә­ре үк бүген халыкның 90 проценты чирле дип әйтеп торганда, ул азган чирләрне ки­сәтү ни рәвешле булыр, билгесез. Тагын бер яңалык: хәзерге кебек хастаханәгә керә башласаң, йөз төрле анализ бирдертеп, аннары, стационарга яткач, шул ук анализларны яңадан тикшереп тинтерәтмәя­­чәк­ләр, ә шунда ук дәва­лый башлаячак­лар. Шул сә­бәпле, хастаханәдә яту срогы да кыскара. Гомумән, табиб авыруга больничныйны 15 көннән дә ар­тыгракка бирә алмый. Әгәр бик тә кирәк икән, моны социаль иминият фонды белгече дә кергән махсус комиссия хәл итәчәк. Тик менә шулкадәр фонд белгеч­ләрен каян алып бетерерләр?

 

Закон проектында беренче мәртәбә “түләүле медицина” дигән термин кертелгән. Бәйсез экспертлар моны “әкрен шартлый торган бомба” дип бәяләп тә өлгерде инде. Алар әйтүенчә, бу төшенчә әкрен­ләп дәүләт гарантиялә­рен кысрык­лап чыгарырга, яңа техно­ло­гияләр кулланабыз ди­гән булып, медицина­ның бар төрлә­рен дә түләү­легә әйләнде­реп бетерергә мөмкин. В.Скворцова, закон проектында бу хакта конкрет әйтелгән, стационарда бик шәп шартларда дәва­лану, косметик ярдәм, пластик хирургия, стоматологиянең кайбер төрләре генә түләүле булачак, ди­сә дә, моңа һич тә ышанасы килми. Министр урынбасары яңа закон проектында табибларга һәм шәфкать туташларына бүләк һәм күчтәнәч би­рүне тыю турында да конкрет әйтелгән дип бара. Янәсе, мондый фактлар махсус эзәрлеклә­нәчәк һәм җәза каты булачак.

 

Бала тудыруда суррогат аналар куллану практикасы тагын да киңрәк җәелде­ре­ләчәк. Шулай ук донор мә­ниеннән файдаланучы ананың баласының әтисе нинди милләттән булуы турында белү хокукы булачак.

 

Һөнәри авырулар белән чирләүчеләргә экспертиза уздыру тәртибе дә үзгәрә. Юкса моңарчы аларның һәрбер­сенә диярлек инвалидлыкны “гомуми авыру буенча” бирделәр, шул сәбәпле алар компенсация түләүләреннән коры кала иде.

 

Зарарлы һәм куркыныч шартларда эшләүче медицина хезмәткәрләрен социаль яклауны оештыру – психиатрия хастаханәләрендә һәм туберкулез диспансерларында, ВИЧ-инфекцияле авыруларны дәвалау белән шөгыль­ләнүчеләрнең эш сәгатьләрен киметү, өстәмә отпуск бирүне регламентлаштыру да яңа законның уңай ягы.

 

Закон проекты безнең реаль тормыштан читкәрәк китеп, күбрәк алга киткән чит илләрдәге практикага нигезләнеп әзерләнсә дә, күрүебез­чә, уңай яклары да шактый. Дәүләт Думасы депутатлары да аны тикшерүгә формаль карамаслар, бүгенге тормышыбызны һәм халыкның менталитетын күз алдында тотып үзгә­решләр кертерләр һәм кабул итәрләр дип ышаныйк.


Люция ФАРШАТОВА
Ватаным Татарстан
№ 88 | 17.05.2011
Ватаным Татарстан печать

Фикерләр

Исем:
E-mail:
Текст:
 
№7 (770981) / 18.05.2011 22:37:33

Быел сентябрьдә яңа мәгариф стандартларын кертә башлаячаклар, димәк, чиратта сәламәтлек саклау стандартлары тора.Аннан соң культура стандартлары, торак, транспорт стандартлары, иң ахырдан шул стандартларда да исән калган яңа кеше стандартларын да күрергә язсын иде!

№6 (770928) / 18.05.2011 13:44:17

Билгеле, чир күп төрле, кайсы-берсенә врач ярдәме бик кирәк була. Тик бүгенге врачлар – алар авыруны чын күңелдән кызганучы кешеләр микән? Ни өчендер, врачлар үзләре дә авырулардан туйган, арган кеше булып күренә миңа. Бәлки алар чинониклар куйган стенага бәрелә -сугыла эшлиләрдер, авыруга багышларга вакытлары аз
каладыр?
Минемчә, врачның төп эш күрсәткече булып , аның каршына килүчеләрнең азлыгы торадыр. Бу бит сәламәт кешеләр күп дигән сүз. Моның өчен экологлар, сан. эпид. станция, врачлар- берләшеп, халык исәнлегенә кагылышлы мәсьәләләр белән шөгыльләнергә тиешләр. Бәлки, эшләрнең бу өлешен урындагы
бюджет түләргә тиештер?
«ВТ» язмасы буенча, Нурлатнефть экология максатларына 70 млн. акча тота икән, елына. Шул ук вакытта, алар нифте биләмәләрендәге
кайбер чишмәләрдә нефть майлары шәйләнә. Кем чистартырга тиеш?
Кем Нурлатнефть кебек «акуланы» фәлән районга китертеп, чистарту
җайланмаларын куйдырта? Халык үзе битараф. Кайсы суны сатып ала,
кайсы майлы су эчә бирә…
Авылларда, халыкны җыеп, теге яки бу темага лекция укучыларны
ишеткәнем юк. Әйтик, ничек итеп инсультан качарга мөмкин, моның
өчен ни эшләргә? Яисә йөрәк авыруыннан, шикәр чиреннән…
Начар теш белән яшәү нинди аяныч нәтиҗәгә китерергә мөмкин?
Артык борчылып яшәү дөресме? Ничек яшәү көчен сакларга?
Бк халыкта үз исәнлегенә карата бер төрле культура тәрбияләү булыр иде, шактый чиргә карата профилактика үткәрү.
Тик, бу эшләр эшләнми, ни өчендер. Аның каравы, хөкүмәт аукционнардан
тонна-тонна дару сатып ала. Бусына акча һәрвакыт бар!

№5 (770917) / 18.05.2011 12:28:10

Шөпшә ханым! Дару үләннәре профилактика чарасы гына.
Ә авыруны эләктергәч врач кирәк препаратлары белән! Күпме онкологик авыруның башын катыралар үлән белән дәвалыйбыз дип,ә табипка килгәндә авыру инде азган була.

Экология куркыныч,юынырга да ярамаган суны эчәбез, ничек авыру килмәсен. Өственә ризыкка кушылган агулар..Тәмәке наркотик.хәмер,чуты юк агуның. Өстәвенә тоташ стресслар,тынгысызлык.

№4 (770915) / 18.05.2011 12:07:25

Шөпшә ханым. Кешеләр авырмаса,булнис юлларында йөрмәсә, каян врачка акча килсен!
Алар эшсез калачак.Участок врачлары ни генә уйлап тапмыйлар,юк авыруларны табып,кыйммәтле,рецепны фирма бланкасына язып бирәләр. Әле мактый менә шуның дарулары яхшы дип.
Врач алдында көлү уңайсыз,чыккач егылып көләм.

Безнең татар халкы авыруны булдырмас өчен тырышырга тиеш,алдан ук.
Дөрес әйтәсең,сугыштан соң,сугыш вакытында да,юа,какы,сәрдә,кычыткан,тузганак,
алабата ашлары ашый идек. Шул гадәт белән бүген дә сәрдә,кычыткан ашларын әзерли карчык. Бик тәмле,әй.
Чәйләр турында әйтмим дә. Бакча,урман тулы чәй пешер өчен чимал.

Иркә эшсез кала дип куркам,әгәр тәбигать косметикасы турында язсам.

№3 (770913) / 18.05.2011 11:44:27

Алыйк сугыш арты балаларын…Нинди юклыкта үскән кешеләр, әмма хәзерге яшьләрдән күпкә
ныграк, күпкә исәнрәк…Бәлки тормышка башка фәлсәфә булгангадыр? Хәзер бит шундый заман: халык инәгә утырган кебек аптек даруына утырды. Баш авыртса да аптекка чабыш, эч авыртса – шулай ук аптекка. Бик аз кеше даруның ике сарылы икәнен
чамалый, халык дәва юллары белән кызыксынмый. Дәүләт үзе дә «халык дәвалау юлларын» торгызуны
уйламый. Чөнки, бу дәүләтне гражданнар турында кайгыртучы дип атый алмыйм. Дәүләтне чиновниклар
үз кубызына биетеп яшәгән заман.
Билгеле бит инде – шикәр авыруын дәвалау – бар, астма чирен ничек дәваларга – 80 елларда ук галимнәргә билгеле иде. Ләкин, медицина өлкәсендәге уңай яңалыкны тормышта куллануга кертүгә атлыгып торучы юк, киресенчә, каршылыклар
чамасыз…Чөнки дару - ул искиткеч зур керем чыганагы да!
Әлегә шундый нәтиҗә - кем дару ашамый гына дәваланырга тырыша – арада иң исәне!


№2 (770911) / 18.05.2011 10:50:05

Да Илхам! Ә без коллык артта калды,-дигән булабыз!

№1 (770909) / 18.05.2011 10:47:45

Мэрхум Черномырдин сузлэре белэн эйтсэк "Хотелось как лучше, а получилось как всегда" булачак инде. 5 нче абзацта бу куренэ дэ. Егылып улергэ жыенсан да 15 коннэн артык больничный бирмиячэклэр. Больницада яту коннэрен дэ кыскартканнар, ничу дэулэт ипиен бушка ашап ятарга!

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
Татар телен саклау һәм үстерү мәсьәләләре комиссиясе
Piter.tatar