|
|
Бүген кемнәр туган
|
|
Архив
|
27.04.2011 Мәдәният
Әлмәт театры Санкт-Петербургда (ФОТО)Санкт-Петербургта 17 апрельдән 23енә кадәр VIII Россия “Арлекин” театр фестивале булып узды. Россия театр әһелләре берлеге уздыра торган әлеге фестиваль балалар һәм яшүсмерләр театрларына булышлык күрсәтү максатыннан булдырылган. Фестивальдә конкурс кысаларында Россиянең төрле театрларыннан килгән 10 спектакль күрсәтелде, 6 спектакль конкурстан тыш тәкъдим ителде. Әлмәт татар дәүләт драма театры М.Лермонтовның “Гашыйк Кәриб” исемле мәхәббәт кыйссасы белән катнашты. Спектакльнең режиссеры Искәндәр Сакаев.
23ендә фестивальнең җиңүчеләре билгеле булды. Төп бүләккә Мәскәү шәһәренең Россия яшьләр академия театры спектакле ия булды. Безнекеләр шулай ук ике номинациядә җиңү яуладылар. Рәссам Димитрий Хильченко “Иң яхшы рәссам” исеменә, ә спектакль театр журналистларының һәм тәнкыйтьчеләрнең махсус премиясенә лаек булды.
“Гашыйк Кәриб” тагы май аенда “Нәүрүз” фестивалендә, 5 июньдә Кече шәһәрләр фестивалендә катнашачак.
1
2
3
Әнисә ТАҺИРОВА |
Иң күп укылган
|