|
|
Бүген кемнәр туган
|
|
Архив
|
08.06.2023 Шоу-бизнес
Рэп башкаручы Альбина Сәфәрова Казанда мотоциклда бәрелеп үлгәнУзган төндә Казанның Совет районында автоягулык салу станциясе янында мотоцикл катнашында юл фаҗигасе булган. Казан Дәүләт автоинспекциясенең пропаганда бүлегендә сөйләүләренчә, авария Нагорный бистәсе белән Дәрвишләр торак массивы арасында Тынычлык урамында булган. Opel автомобиле йөртүчесе ике тоташ сызык аша ягулык станциясенә борылырга булган һәм Suzuki мотоцтиклы белән бәрелешкән.
Мотоцикл йөртүчесе исән калган, ә пассажиры үлгән, дип яза Татар-информ.
Агентлыкка билгеле булганча, авариядә рэп башкаручы Альбина Сәфәрова һәлак булган. Бу мәгълүматны социаль челтәрләрдә Альбинаның дуслары раслады. Кыз актив һәм иҗади тормыш алып барган, социаль челтәрләрдә фотолары белән еш уртаклашкан. Башкаручының сәхифәсендә мотоциклда төшкән берничә фотосы да бар.
Фото: скриншот
--- |
Иң күп укылган
|