• 26.06-28.08 Театрализованное фольклорное Казан-шоу. Туган авыл.
  • 24.07 Ришат Тухватуллин. Жэйге очрашулар. Майдан Сабантуй. 19.00
  • 06.08-15.08 Салават. 31 сезон. Камал театры
  • 18.09 Хәмдүнә Тимергалиева истәлегенә. УНИКС. 17.00
  • 16.10 20ел TATAR RADIOSI. Татнефть Арена. 18.00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 24 Июль
  • Айрат Ильясов - шоумен
  • Чулпан Закирова - биюче
  • Гали Ильясов - җырчы
  • Исэнмесез, кем Балтачта фатир сдавать итэ икэн? +7 939 371-04-19
  • Станок (циркулярка+фуганок)сатыла, кулланышта булган. Актаныш. 89063275274.
  • Корбанга хэм асрарга куп торле нэселдэн сарыклар, тэкэлэр, саулыклар, бэтилэр сатыла. Балтач районы. 89874245531 (ватсап бар)
  • Татарча сөйләшүче хатын-кыз тегүче кирәк. Казан.Тел: 9050216055
  • Чия сатыла,120 сум, 89033131910.
  • Хәләл үрдәк түшкәсе, 3кг900г, кг 350 сумнан. Казан, 8 927 40 592 02
  • "С" һәм "Д" категорияле машина йөртүчеләр кирәк. Эш шартлары, түләү яхшы. Шалтыратыгыз! 8-953-484-04-46
  • Үзебезнең умарталыктан яхшы сыйфатлы яңа бал сатыла. Казан буенча китереп бирү дә каралган. 3л - 1600сум. Теләүчеләр булса, 89625497103 телефонына шалтыратыгыз.
  • КАЗАНДА ГРУЗЧИК, ГАЗЕЛЬ ХЕЗМЭТЕ. 89196271171
  • Балык Бистәсе районының Балыклы Чүкәй авылында йорт сатыла.Кыйммәт түгел. 89393718109
 
 

 
Архив
 

               

02.04.2011 Мәдәният

Чаллы татар драмтеатры Казанга ниләр алып килә? (ВИДЕО, ФОТО)

6-10 апрель көннәрендә К. Тинчурин исемендәге татар дәүләт драма һәм комедия театры бинасында Чаллы татар дәүләт драма театры гастрольләре узачак. Чаллылар башкалага репертуардагы иң яхшы спектакльләрен алып киләләр.


 

 

 

 

 

 

 


 

6 апрель. Равил САБЫР. «Абага алмасы ачы була» (драма)

18 сәгать 30 минутта башлана.

Авылда берүзе яшәп ятучы Насыйбулла карт янына Казаннан журналист Айбулат килеп төшә. Ул бабайның паспортны гомерендә беренче мәртәбә 86 яшенә җитеп кенә  алганына гаҗәпләнә: «Ничек шулай була ала?» Тик Насыйбулланың бик сөйләшәсе килеп тормый, өстәвенә чукрак та икән әле. Авылдашлары да аның турында берни дә белми диярлек, чөнки бабайның берәү белән дә ачылып китеп аралашканы юк икән. Аның иң якын дусты – песие. Бабайның юмор яратуын шуннан да чамалап була, песигә «явыз булганга» Лаврентий дип исем кушкан.

Алай да Айбулат бабайның күңеленә ачкыч таба. Баксаң, Насыйбулланы 1940 елда, сөйгәне Гөлиягә өйләнү белән, нахакка 10 елга Колымага җибәргәннәр икән. Туган авылына ул 1953 елда гына, «без права выезда из деревни» дигән кәгазь белән кайткан. Шул вакыт аралыгында аңа Колымадан Германиягә кадәр араны мең михнәтләр белән үтәргә туры килгән, ә Большой Татарин, Комарик, Низам, Әхмәт Тимер кебек кешеләр белән очрашу Насыйдулланың күп нәрсәгә карашларын үзгәрткән...

Бу спектакльдә төп рольне башкарган өчен Татарстанның атказанган артисты Рафил Сәгъдуллин «Иң яхшы ир-ат роле» номинациясендә «Тантана» премиясенә лаек булды. 

 

* * * * * * * * * *

 

7 апрель. Равил САБЫР. «Сигезле биюе» (моңсу комедия)

18 сәгать 30 минутта башлана.

Төп героиня Ләйлә дус кызы Сәйдә белән бергә шәһәр читендәге бер очсызлы фатирда торалар. Ләйлә Робертны шашып сөя, Сәйдәнең исә аны игезәк сыңары Сәеткә кияүгә бирәсе килә. Алар янына өске катта яшәүче Нурлыбәян әби төшеп йөри. Әбекәй инде бик карт, ни сөйләгәнен үзе дә аңламый, ахры. Якшәмбе иртәсендә болар янына Ләйлә белән бергә колледжта укытучы Эля һәм аның дус кызы Гуля киләләр. Ул да булмый, квартира хуҗасы Зөһрә иң кирәкмәгән вакытта хәл белергә дип килеп керә, аның артыннан Ләйләнең әнисе Люция килә, Мәрьямгә дә нидер кирәк...

«Сигезле биюе» — сюжетсыз диярлек, тик шул ук вакытта беренче минутлардан ук үзенә игътибарны җәлеп итеп, финалга кадәр бер тында көлә-көлә дә, бераз елап та карый торган спектакль. 

 

* * * * * * * * * *

 

8 апрель. Равил САБЫР. «Хәят» (мелодрама)

18 сәгать 30 минутта башлана.

1911 ел. Шәһәрнең беренче чибәре Хәятне дус кызы Лиза дачага кунакка алып китә. Кечкенәдән бергә уйнап үскән Миша да, күршедә яшәүче офицер Евгений да Хәят тирәсендә бөтереләләр, Миша хәтта сөюе турында да әйтә. Ә соңрак Сәүдәгәрләр клубына баргач, Хәят таныш булмаган мөселман егетенә гашыйк була. Тик тәкъдирдә язылганы шул булгандыр инде, Хәятне коточкыч хата аркасында ул күрәлмәгән, «авыру чебешкә охшаган» Салихка, кадими карашлы муллага кияүгә бирәләр.

Ә кыз һаман мөселман егетен оныта алмый, аның йөрәге Гали дип тибә. Гали – иренең энесе, Мәскәү университеты студенты. Хәят яңалык һәм искелек арасындагы урталыкта кала. Дус кызларының тырышлыгы белән Хәят сәүдәгәрләр клубында Гали белән очраша. Нәтиҗәдә зур җәнҗал чыга. Вакыйгалар шундый нык куера ки, кызның бөтен дуслары, туган-тумачалары, хәтта бөтен шәһәр аның карарын көтә.

Нишләр Хәят?.. 

 

* * * * * * * * * *

 

9 апрель. Туфан Миңнуллин. «Без бит авыл малае» (комедия)

18 сәгатьттә башлана.

Кайчандыр шаулап-гөрләп торган авылдан бер генә хуҗалык калып, шул йортта син үзең яшәсәң, нәрсә турында хыялланыр идең икән? Айлы кичләре, сандугачлы таңнары белән элеккесеннән дә матуррак, тазарак авыл, җырлап-гөрләп яшәп ятучы авылдашлар турында түгелмени? Спетакль каһарманнары да юкка чыгып баручы авылларын саклап калу һәм яңадан торгызу өчен барын да эшлиләр, хәтта кыз урлауга кадәр барып җитәләр. Тик урлаган кызлары гына качып китә. Нәрсә булыр алар белән? Авылның киләчәге бармы? Ә мәхәббәт?    

 * * * * * * * * * *

 

10 апрель. Мансур Гыйләҗев. «Бурлак» (драма)

18 сәгатьттә башлана.

Шәһәрнең иң бай сәүдәгәре Демьян Потопович белән яшь эшмәкәр Габдулла әфәнденең бәхәсләре һәм кесәгә керәм дип торган шактый зур суммадагы акча үз эшен эшли: язга кадәр ялга туктаган бурлакларны кара көздә Әстреханнан Казанга баржа менгерергә ризалаштыралар. Бодай, балык, тоз, туку фабрикасы өчен станокларны дүрт күз белән көтәләр ди бит. Гомерләре буе башкаларны кайгырткан бурлаклар җигелеп баржа тарта башлыйлар, тик ярты юлда кыш килеп җитә һәм «Фиалка» боз әсирлегендә кала. Бурлаклар кайсы кая таралышып бетәләр... Бу тормыш кемгәдер уен, ә кемдер гомере буе җигелеп тормыш йөген тарта. Нишлисең бит, язмышың шундый, син – бурлак...


 


---
Чаллы театры
№ --- | 02.04.2011
Чаллы театры печать

Фикерләр

Исем:
E-mail:
Текст:
 
№18 (766491) / 11.04.2011 18:10:47

һәр чорның үз проблемасы булган кебек, шул чор язучыларын да берүк проблемалар борчый күрәсең!

Ә нигә Аристотель нибары 36 сюжет була алуы турында язган, Борхес гомумән дүртне генә таба алган? Нигә Шекспир Ромео һәм Джульетта мәхәббәте турында язучы ДҮРТЕНЧЕ кеше булган? (Әйтик, өченчесе – Маттео Банделло). 1998 елда чыккан «Знакомьтесь – Джо Блек» фильмының сценарий авторы Рон Осборн Туфан Миңнуллинның «Әлдермештән Әлмәндәр»ен укыды, күрде микән? Ә Гаяз Исхаки «Җан Баевич»ны язганчы Жан-Батист Мольерның «Мещанин во дворянстве» пьесасын укыды микән? Нигә агачтан ясалган курчакны без Буратино дип, ә, мәсәлән, итальяннар Пиноккио дип белә? «Люстра» пьесасының авторы Илгиз Зәйниев Мартин Макдонахның «Королева красоты» дигән әсәре бар икәнен белә микән? Нигә Мортазин белән Ченәкәй «Татар театры тарихыннан» исемле китапларында Мирхәйдәр Фәйзинең «Галиябану»ны шул вакытта бик популяр булган телсез кинофильмга тәкълид итеп язылуын ассызыклыйлар?..
Зөлфәт Хәким белән Равил Сабырны чәкәләштерергә азапланганчы, алай бик акыллы һәм оста булсагыз, пьесалар языгыз сез, менә ичмасам ул чакта татар драматургиясе үсеп китәр!

№16 (766347) / 10.04.2011 18:38:46

Зөлфәт Хәкимнең "Легионер" исемле әсәре кайсыдыр елны конкурста беренче урынны алган иде. Ул әсәр, роман буларак, "Казан утлары"нда чыкты. Равил Сабырның пьесасы Зөлфәт Хәкимнең әсәрен хәтерләтә. Әлбәттә, Зөлфәтнең әсәре көчлерәк, тирәнрәк. Бик сәер, нишләп беркем дә моңарчы бу фактка игътибар итми икән?

№15 (766025) / 06.04.2011 22:44:47

Равил Сабыр
Бик ошады.
Насыйбулланы уйнаган актерга

№14 (765734) / 05.04.2011 09:53:36

Сабырнын театры да бармыни? молодееееееееееееец икэн Сабыр

№13 (765566) / 04.04.2011 13:03:22

Равил Сабырнын "Абага алмасы ачы була" театрын карадым. Хэм Равил Сабырга гашыйк булдым. Ойлэнгэн микэн ул?!

№12 (765534) / 04.04.2011 09:57:50

Башка режиссерлар чын–чыннарны Сабырсыз да якынайталар. Эмма чын авторныћ фамилиясен куялар. Камаллар Исхакый бик булмаса да "Курчак туе"на Исхакый фамилиясен куйганнар ид. монда да чын авторнын исемен куйганнан яна авторнын укасы коелмас иде

№11 (765523) / 04.04.2011 08:58:17

"Чын-чын"нарны да халыкка якынайтырга Сабырлар кирәк шул әле бүгенге көндә. Юкса, Исхакыйлар, Әмирханнар(өчесе дә), Ибраһимовлар киштәдә тузан җыеп кына ятасы...

№10 (765457) / 03.04.2011 20:59:28

"Хәят"нең программкасында булса да чын авторына ссылка бармы икән соң?

№9 (765447) / 03.04.2011 20:28:12

Өч хезмәтләрен карадым: Казан артистларыннан калышмыйлар. Фәйзи театрында да бик шәп спектакльләр куя торалар бу театрның режиссерлары.

№8 (765437) / 03.04.2011 19:51:49

Җегеткә. Профессиональлек дәрәҗәсе халык җыелып мактаганнан үлчәнсә, иң профессиональ артистлар Әлфинә Әзхәмова белән бер Буа җырчысы(исемен оныттым) булып чыга. аларга халык йөри ди бит.

№7 (765426) / 03.04.2011 18:30:09

Сираҗи белми мактамас инде!

Әле үзенең артистка белән бергә укыганын да әйтергә онытмады!

№6 (765424) / 03.04.2011 18:24:10

Чаллы театры - профессиональ дәрәҗәдәге театр түгел. Һаман шуларны Мәдәният дөньясында дигән тапшыруга чыгаралар да, үзләрен үзләре сәгать буе мактап утыралар. Халык җыелып, халык мактаганны ишеткән юк әле.

№5 (765412) / 03.04.2011 17:01:42

халявага өйрәнгәч, Камалга кергән саен,ашап-эчеп чыгасы килә шуул!!!

№4 (765411) / 03.04.2011 16:56:31

Өеңдә ашатмыйлармыни?

№3 (765364) / 03.04.2011 10:17:27

Болар матбугат конференциясе җыеп тормыйлардыр инде? Камаллар берәрсе килсә җыеп, барын да яхшылап сөйләп, чакырулар таратып, ашатып кайтаралар. Шул матур гадәтне башкалар да өйрәнсә иде

№2 (765237) / 02.04.2011 19:49:44

Наглядно булган бу )

№1 (765234) / 02.04.2011 19:15:06

8 апрель конне Мубай концертына барасы бар. "Хэят"не де кайрыйсы килэ. Дилемма бу!!
спекталь язмасы бн дисклар сатылырмы икән?

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar