|
|
Бүген кемнәр туган
|
|
Архив
|
01.04.2011 Җәмгыять
Тракторчыдан да менә дигән җырчы чыга!«Шәһри Казан»ның 15 февраль санында минем иң хөрмәт иткән җырчыларымның берсе Шамил Әхмәтҗанов белән әңгәмәне укый башладым. Шунда башыма суктылармыни, баксаң, тракторчы белән сыер савучыга җырларга ярамый икән бит! Минем бер газетада Илдус Фәизнең, тракторчыдан мулла чыкмый, дигәнен укыганым бар иде. Сез, әфәнделәр, шул тракторда эшләүдән куркып шәһәргә качтыгызмы әллә? Мин шунысын беләм, тракторчыларның да бик матур җырлаганнары бар. Сыер савучы кызларыбыз да җырлый-җырлый сыер сава, тирес кыра. Бушка театр куялар, шәһәрдән килгәнне көтмиләр. Икмәкне дә министрлар үстерә дип беләсездер, бәлки?! Ялгышасыз! Сез шул тракторчылар тир түгеп үстергән ипине ашыйсыз. Аны да, тракторчы кәсебен кылып, Ходай Тәгалә насыйп итсә генә. Әнә, үткән ел ала алмадык, Аллаһы бирмәде. Менә шулай, авылдан чыккан 70 яшьлек халык артистының ипине кем үстергәнен белмәве бик сәер. Ул тракторчыларның кем икәнен хәзер министрлар да белми. Белсәләр атказанган исем бирүне онытмаслар иде. Менә якташыбыз Алсуның атасы миллионер булгач, бер сүз татарча белмәсә дә ике җыр җырлап халык артисты исеме бирделәр. Ә хәзер тракторчының кем икәнен дә белмиләр. Хәзер байлар, ялагайлар заманы шул...
Тәлгать ГАБДЕЛХАКОВ, Балтач, Субаш |
Иң күп укылган
|