поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
06.04.2023 Язмыш

Җиде елда 7 газиз кешесен җирләгән Рәмзия ханым: «Ничек юләрләнмәгәнмендер..?»

Түзсә дә түзә икән йөрәк. Башкача мөмкин дә түгел. Яшәргә кирәк. Чирмешән районының Түбән Кәминкә авылында яшәүче, тиздән 60 яшен тутыручы Рәмзия Гыйрфанова үз-үзен әнә шулай итеп юата. Язмыш аны бик озак сыный. Җиде елда җиде газиз кешесен җирләргә туры килә аңа. Әни дип өзелеп торган кызлары, кияүләре хакына ул сынауларны күтәрә ала.

 – Әле хәзер дә төрле чакларым бар, сеңлем. Кайбер көнне үлеп тә алам, тереләм дә. Ачы хәсрәтләрем исемә төшеп егып салган көннәр дә бар. Хәзер инде еламаска да өйрәнеп киләм. Еллар узган саен, күңелдәге яралар да әкренләп төзәлә кебек, – ди Рәмзия апа.

Сагыш җиле алар ишеген 13 ел элек шакый. Март аеның 16сында була бу хәлләр. Ул көнне кунакка кайткан студент улы Ришат, апасын, җизнәсен, аларның бер яшьлек кызларын утыртып, юлга кузгала. Әлмәткә китеп барышлары була.
 
– Балаларымның авариягә очраганын кызым Гөлшатка шалтыратып әйткәннәр. Аның елый-елый кем беләндер сөйләшкәнен тәрәзәдән күреп чыктым, миңа сиздермәде. Бу хәлләрне ирем дә белгән булган инде. Сорый торгач, балаларның авариягә эләгүләрен әйттеләр. Мин тизрәк кызым Ландышка шалтыраттым. Ул телефонны алгач, тынычландым. Үз әнием килеп, дөресен әйтте: улым Ришат белән кияү Рамил үлгән, оныгым Әлфинурның да хәле бик авыр икән. Шул чакта бар дөньям караңгыланды. Яшәвемнең мәгънәсен югалттым, – дип сөйли Рәмзия апа.
 
Икенче көнгә дүрт кыздан соң көтеп алган Ришатын алып кайтып җирлиләр. Бер көннән кодагыйлары йортына Рамил белән Әлфинурны алып кайталар. Бала белән атаны икесен бер кабергә куялар.
 
– Бу вакытта Ландышымның хәле авыр иде. Ул кайта алмады, хастаханәдә калды. Рамил белән Ландышның өйләнешкәннәренә дә ике ел гына иде. Улым Ришат та бик матур хыяллар белән яшәде. Укуын бетергәч, армиягә барасы, аннан кайткач, өйләнәсе иде. Авылда калырга теләде. Тик сабыемның гомере генә озын булмаган. Бернишләп тә булмый. Аллаһы Тәгалә үзе бирә, үзе ала икән, – ди Рәмзия апа. – Өч айдан Ландышым култык таяклары белән кайтты. Икәү бик еладык инде. Ул миңа күрсәтми, мин аңа. Өзгәләнде йөрәкләребез. Икебез дә бала хәсрәте кичердек. Әле кызым яраткан ирен дә югалтты. Аңа бигрәк авыр иде ул чакта. Әмма ул бирешмәде. Баламның савыга башлавын күреп сөенә идем инде. Тик кинәт кенә аягы бозыла башлады. Тагын хастаханә юлын таптады. Башта Әлмәттә, аннан Казанда ятты. Табиблар аны коткара алмады. 6 ай дигәндә, кызымны да югалттык.
 
Ландышны югалту бөтенләй бетерсә дә, алар ничек тә яшәр көч таба. Кызларның бер елын уздыргач, бар сабырлыкны җыеп, Хөсәен абый белән Рәмзия апа Гөлшатларын кияүгә бирәләр. Матур мизгелләр белән яши башлыйлар. Тик әле сынау бетмәгән икән. Озак та үтми, ире Хөсәен абый да урынга ята. Хәтере начарая, сәламәтлеге какшый. Рәмзия апа ирен табибтан-табибка йөртә. Кулдан килгәнчә ярдәм итә. Ирен кайгыртып йөргәндә, әтисе урынга ята. 2014 елның гыйнварында – әтисен, декабрьдә 57 яшен дә тутырмаган ирен җирли. Ә өч елдан әнисе дә вафат була.
 
– Газизләремне озатканда кычкырып еламадым да. Янәсе, мөселманнарга алай ярамый. Бар хәсрәтемне эчемә җыйдым. Үксеп-үксеп, ярсып, бер елыйсы калган да бит! Әнә шул эчкә җыю харап итә язды мине. Депрессиягә бирелдем, – ди Рәмзия апа. – Ничек юләрләнмәгәнмендер инде. Бу хәсрәтне ничек күтәрим икән, дия идем. Кызларыма, кияүләремә рәхмәт. Бик кайгырттылар. Авырып китмәсен дип кенә яшәделәр. Кая гына йөртмәделәр. Табиб та калмады, өшкерүчеләр дә. Шул балаларым ярдәме белән мин яңадан яши башладым. Әгәр әни исән калса, корбан чалдырыр идек дип нәзер дә әйткән булганнар. Менә шуннан чамалагыз инде хәлләремне.
 
Аңа кияүләрнең дә алтыннары эләгә. Ишектән үк, нәрсә эшлик, дип керәләр икән.  Бер кызы – Чирмешәндә, икенчесе Әлмәттә тора. Өченчесе каршы якта гына яши. Авылдагы кияүсез бернишли алмыйм, ди Рәмзия апа. Таякның юан башы күбрәк аңа төшә икән.
 
Рәмзия апа намазга да баскан. Атнасына ике тапкыр мәчеткә укырга йөри. Сабырлык, күңел тынычлыгын догалар белән тапкан ул. Дога өмет итүчеләре күпме бит! Әнә кичә генә Ришаты төшенә кергән. Әтисе белән бергә кайтканнар, имеш. Улы Рәмзия апага карап торган да: «Әни, әле сиңа 60 яшь биреп булмый», – ди икән. «Бик шатланып уянып китем», – ди Рәмзия апа.
 
Дөрестән дә, әле аңа 60ны биреп булмый. Үзе дә, күңел 18дә, дип шаярта.
 
– Мин кияүгә килгәндә, каенанам 65 яшендәге бик олы карчык кебек иде. Әле без картаерга ашыкмыйбыз. Эчтә ут янса да, күрсәтмибез, матур яшәргә тырышабыз. Борчуларымны онытыр өчен, авылыбыздагы «Ак калфак» җыр коллективына йөрим. Кызлар белән очрашып бер сөйләшү дә күңелне күтәрә, – ди ул. – Авылыбызда бер кайгысыз берәү дә юк. Кодагыем да хәсрәт утында янып яши. Башта киявем Рамилне, 6 елдан икенче улын җирләде. Шулай бер-береңне юатып яшисең инде.
 
Рәмзия апа быел эшкә дә урнашкан әле. Клубтагы идән юучы декретка киткәч, аны алыштырып тора икән. Әле мәчеттә, әле җыр-биюдә, әле кул эшләре белән йөри. Инде идән дә юып кайткач, моңсуланырга вакыты калмый. Авыл җирендә эшнең дә бетәсе юк. Атна ахыры җитсә, балалары кайтып сөендерә. Берүзенә 8 оныгы бар аның. Менә кайда ул байлык!
 
– Әле ярый күп бала тапканмын дип сөенәм. Икәү генә булган булсалар, нишләр идең. Үз картлыгымны уйлаганмын икән,– ди ул. – Бер киңәшем бар: баласын югалткан анага юату сүзләре әйтмәгез. Елама, димәгез. Еласын күңелен бушатып. Ни генә әйтсәгез дә, ул ананың хәлен аңлый алмассыз. Мин хәзер андыйлар янына барам да дәшмим. Эчемнән генә Аллаһы Тәгаләдән: «Бу бәндәгә сабырлык бир», – дип сорыйм.

---
Ватаным Татарстан
№ --- | 06.04.2023
Ватаным Татарстан печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»