Фирдүс Тямаев: “Гаилә таркалуны үземә мәңге кичермәс идем”

– Әйе, чын күңелдән ышанам. Минем өстәлдә аракы юк. Кем бүләк итә, шул эчә ала, үзем эчмим. Хәләл ризык белән тукланабыз, өйдә сурәтләр дә эленеп тормый. Хәзер ураза җитте. Корбанны да вакытында чалам, Аллаһ боерса Хаҗга барырга телим. Җомгага йөрим, әлегә биш вакыт намазны гына укый алмыйм. Шушы як кына аксый. Кеше иман белән яшәсә, һәрвакыт дөрес юлда булачак.

 

– Икейөзле кешеләрне күралмыйм. Үзен башкалардан өстен куйган, артыгын кыланганнардан читтә торам. Хатын-кыз ирдән алда сөйләгәнне яратмыйм. Ир кеше тормыш иптәшен кимсетүне дә тыңлый алмыйм. Безнең гаиләдә мондый хәлнең булганы юк. 

 

– Без Резедә белән дискотекада таныштык. Миңа 28 яшь иде. Резедә төплелеге, акылы, чисталыгы-паклыгы белән гашыйк итте. Ул бик тыйнак. Гаиләбездә акча бүлешү дигән әйбер юк, Аллаһ сакласын. Резедәгә миннән сорап торма ал инде, дип әйтәм. Ул барыбер бөтенесен киңәшләшеп башкара. Резедәнең дуслары күп түгел. Эчебездә булган барлык хис-кичерешләрне бер-беребез белән уртаклашабыз. 

– Мин бит гаиләдә кызу түгел. Резедә янында начар сүзләр әйтергә дә тырышмыйм. Ул миңа юнәлеш биреп тора, аның фикеренә һәрвакыт колак салам.

 

– Укымышлы булсыннар. Илгә файда китерә торган, патриот егетләр булсын. Үзләре теләгән, күңелләре яткан эштә эшләсеннәр. Аларга акыл өйрәтеп утырасым килми. Балалар җырчы булмас дип уйлыйм. Әтиләренең гастрольдән кайтып кермәгәнен күреп торалар. Шулай да, алдан кычкырган күкенең башы авырта, диләр. Әлегә төгәл әйтеп булмый. Олысына – 9, кечесенә – 4 яшь. Үз белемнәре белән уку йортларын тәмамласыннар.

– Мин “блат” дигән әйберне гомергә яратмадым. Танышларым начар гамәл эшләгән икән, алар минем исем белән акланырга тиеш түгел. Балаларымның мәктәбенә килеп, кысылып йөргәнем дә булмады. Барысын үзләре хәл итсен. Әзрәк “блат” сизсә, бала бозыла. Уенчыклар сорыйлар икән, алып бирергә тырышам. Балаларга акча җәлләмим, күзаллаулары киң булсын.

 

– Ике-өч көннән сагынам. Соңгы ике елда аеруча нык сагындыра. Яңа өй җиткереп чыктык. Йортыбыз нурлы, кунаклар килсә, китә алмый, шөкер. Резедә – мунча корты, көн саен диярлек мунча яга. Мин мунчаны бик яратып бетерми идем. Соңгы арада ярата башладым. Тормыш иптәшем әллә нинди үләннәр салып “сихерли”. Шулай саклап тота инде. Гастрольләрдә йөргән кешенең гаиләсенә, сүз дә юк, авыр. Икенче елга графикка үзгәрешләр кертәсем килә. Гаиләгә дә күбрәк игътибар биреп, төркемнең дә яхшы хезмәт хакын сакларга кирәк. Төркемдә 20дән артык егет-кыз эшли. 10 тонна җиһазлар, ике автобус белән юлга чыгабыз. Төркемнең бер көнлек хезмәт хакына якынча 150 мең сумнан артык акча китә. 

 

– Әйе, бар андый әйбер. Әмма мин Резедәгә ышанам. Ул дәрәҗәсен төшереп, әллә кемнәр белән буталып йөрмиячәк. Әлбәттә, миңа хатын-кызлардан мәхәббәт хатлары килгәли. Резедәнең көнләшеп, гауга куптарганы булмады. 

 

– Килешмим. Гастрольдә булганда хәләлем бөтен тормышны алып бара. Кем баш һәм кем муен соң? Мин акча эшләп кайтам. Резедә балалар тәрбияли. Иң мөһиме – гаилә рәхәт яшәсен. Һәркемнең үз тәртибе. Сезгә яраган, башкага ошамаска мөмкин. Кешенекенә кысылмыйм.

 

– Үземне танылган дип әйтә алмый. Мин аны тоймыйм. Әгәр үземнең популярлыкны танысам, йолдыз чире белән авырыр идем. Мин аның белән гомер буе көрәштем. Эштән курыкмыйм. Эстрада булмаса, башка өлкәгә кереп китәр идем. Кулымнан эш килә. Кеше гаиләсен матди яктан тәэмин итәргә теләсә, барыннан да акча таба. Аны бит бәрәкәтле итеп, туздыра да белергә кирәк.

 

– Каршымда меңнән артык тамашачы. Араларында әби-бабайлар, диндә булганнарда бар. Кирәкмәгән сүзләр дә ычкына. Кеше үпкәләп кайтып китмәсен. Мин гафу үтенәм, тамашачы кабул итәме анысы башка мәсьәлә.

– Гаиләм исән-сау булсын, күз тимәсен. Балаларым ятим үсмәсен. Миңа эстрададан кит дигән таләп куйсалар да, колак сала алам. Гаилә таркалуны үземә мәңге кичермәс идем. Кеше рәнҗешеннән куркам.