|
|
Бүген кемнәр туган
|
|
Архив
|
31.07.2008 Юмор
ЧӘЧТӘМЕНИ ХИКМӘТ?Сер түгел, халык телендәге мәзәкләрнең күбесендә нәфис затларның, бигрәк тә сары чәчле чибәркәйләрнең акыл дәрәҗәсеннән көләргә маташабыз. Менә шундый очракларның тагын берсе. Сары чәчле туташ акыллылар бәйгесендә катнаша. Җиңүчегә 1 миллион евро күләмендәге акчалата бүләк. Ул түбәндәге сорауларга җавап бирергә тиеш:
1) Йөзьеллык сугыш ничә ел дәвам иткән?
а) 116 б) 100 в) 150.
Сары чәчле туташ дөрес җавапны әйтә алмыйча, икенче сорауга күчә.
2) Панаманы кайсы илдә уйлап тапканнар?
а) Бразилия б) Чили в) Панама г) Эквадор.
Үзе җавап бирә алмагач, блондинка университетта укучы студентлардан ярдәм сорый.
3) Октябрь революциясе кайсы айда билгеләп үтелә?
а) Гыйнвар б) Сентябрь в) Октябрь г) Ноябрь.
Чибәркәй залда утыручыларга ярдәм сорап мөрәҗәгать итә.
4) Король Георг VI ның исеме ничек?
а) Альберт б) Георг в) Мануэль.
Сары чәчле кыз дөрес җавапны багу ярдәмендә белергә маташа.
5) "Канар утраулары"ның исеме кайсы хайван исеменнән килеп чыккан?
а) Кенәри б) Көнгерә в) Тюлень.
Җавап таба алмагач, блондинка уеннан бөтенләй төшеп кала.
***
Көлкеме? Әгәр син үзеңне сары чәчлеләрдән дә акыллырак дип саныйсың икән, дөрес җавапларны укы:
1) Йөзьеллык сугыш 116 ел буе барган (1337-1453 еллар).
2) Панаманы Эквадорда уйлап тапканнар.
3) Октябрь революциясе ноябрьдә билгеләп үтелә.
4) Король Георгның исеме – Альберт. Ул аны 1936 елда алыштырган.
5) Канар утраулары "тюлень" сүзеннән килеп чыккан. Латинча ул "Insukaria Canaria" дип атала, ягъни тюленьнәр утравы.
--- |
Иң күп укылган
|