Ләйсән Гимаева: "Уси-муси килеп яшәмибез, акырышып талашкан вакытлар күп булды"

“Без уси-муси килеп яшәмибез, кычкырып елаган, акырышып талашкан, ишек сугып чыгып киткән вакытлар күп булды. Кешегә зарланмыйбыз, гаиләдән чыгармыйбыз, тагын бик күп еллар шулай итик яме, Булат. Теге шаярулар, кызык-мызык видеолар сезнең күңелне күтәрер өчен генә. Хотя сезнекен генә түгел, үзебезнең кәефне дә шулай күтәрәбез, тормышыбызны ямьләндереп җибәрәбез. Ул мәзәкләрне уйлый-уйлый төннәрен эчләр катканчы көлеп, йоклап китә алмый ятабыз. Янымда бул”, - дигән Ләйсән.

 

Узган ел ахырында җырчы Ләйсән Гыймаева үзенә «яман шеш» диагнозы куелуы, операция кичерүе турында хәбәр итте. "Елмаеп-көлеп, шаярып кызыклар төшереп йөргән Ләйсәнегез 10 ай элек бу сүздән акылдан язар чиккә җитте... Тормыш 180 градуска борылды да куйды", - дип язып чыкты ул чакта Ләйсән.