|
|
Бүген кемнәр туган
|
|
Архив
|
28.02.2023 Җәмгыять
Укытучы дәрестә үсмерне кыйнаганМәскәүнең 2031 санлы мәктәбенең кадет классы җитәкчесе үсмерне кыйнаган. Бу хәл видеога эләккән, аны Mash Телеграм-каналы урнаштырган. Вакыйга финанс грамоталылыгы дәресендә булган. Пост авторы язуынча, укытучыга укучының прическасы ошамаган, шуңа ул укучыга класстан чыгарга боерган. Әмма үсмер баш тарткан. Моның белән килешә алмаган педагог малайны класстан сөйрәп чыгарган.
Кадрлардан күренүенчә, хәрби киемдәге укытучы 8 сыйныф укучысын эләктерә дә коридорга сөйрәп чыгара. Кабинеттан чыгуга алар икесе дә идәнгә егыла. Ахырда ир үсмер өстенә утыра һәм тукмый башлый.
Дөрес булса, укучыга медиклар ярдәме таләп ителгән. Ашыгыч ярдәм медиклары сүзләренчә, малайның танавы һәм башы җәрәхәтләнгән.
2031 санлы мәктәп директоры Григорий Киселев балаларга карата көч куллану мөмкин эш түгел, шуңа укытучының гамәлләрен берничек тә аклап булмый, дип белдергән. Мәктәп хакимияте хезмәт тикшерүе оештырган. Укытучыны исә эштән азат иткәннәр.
Чыганак: lenta.ru
Фото: пиксабай
Автор:Әлфия Шакирҗанова
--- |
Иң күп укылган
|