|
|
Бүген кемнәр туган
|
|
Архив
|
20.02.2023 Хәвеф-хәтәр
Геройның кабер ташы – чүплектәСанкт-Петербургның төньяк-көнчыгышында чүплеккә Төньяк зиратта җирләнгән Советлар Союзы Герое Борис Расторопов һәм аның туганының кабер ташларын чыгарып ыргытканнар. Шаһитлар мәгълүматы буенча, кабер ташларын Гражданский проспектта урнашкан 105 санлы йорттан ерак түгел тапканнар.
Борис Расторопов – кече сержант-артиллерист, танкка каршы корал командиры, күпсанлы хәрби батырлыклары өчен 1945 елның март аенда Советлар Союзы Герое исеменә лаек булган. Бөек Ватан сугышыннан соң Ленинградта яшәгән. Сугышта бик күп тапкыр яраланулар нәтиҗәсендә 1973 елда үлгән.
Моңа кадәр Дәүләт Думасының хәвефсезлек һәм коррупциягә каршы көрәш комитеты әгъзасы Солтан Хамзаев илдә Русия һәм Советлар Союзы Геройларын мыскыллаган өчен, законнарны җинаять җәзасы кертерлек итеп үзгәртергә кирәк, дигән иде.
Чыганак: lenta.ru
Автор:Әлфия Шакирҗанова
Фото:serpuhov.bezformata.com
--- |
Иң күп укылган
|