|
|
Бүген кемнәр туган
|
|
Архив
|
15.02.2023 Мәдәният
Казан кинофестивале-2023 кысаларында Гарәп киносы көннәре узачак5-9 сентябрьдә РФ Мәдәният министрлыгы ярдәмендә узачак XIX Казан халыкара мөселман киносы фестивале кысаларында Гарәп киносы көннәре оештырылачак. Мондый карар КХМКФ-2023 һәм V Әл-Айн халыкара кинофестивале (БГӘ, Абу-Даби) арасында имзаланган килешү нәтиҗәләренең берсе булды. Берләшкән Гарәп Әмирлекләрендә Әл-Айн кинофестивале һәм Казан кинофестивале арасында 2023 елга хезмәттәшлек турында килешүгә Абу-Даби Әмирлегендә узган кинофорум кысаларында кул куелды. Килешүгә «Татаркино» директоры, Казан халыкара мөселман киносы фестивале башкаручы директоры Миләүшә Айтуганова һәм Әл-Айн халыкара фестивале директоры Әмир Сәлмән кул куйды. Миләүшә Айтуганова хәбәр иткәнчә, килешү фестиваль программалары, фильмнар белән бүлешергә, уртак проектлар өстендә эшләргә мөмкинлек бирә. Моннан тыш, КХМКФ-2023 кысаларында Казанда Гарәп киносы көннәрен үткәрү турында карар кабул ителгән, дип яза "Татар-Информ" МА. Искәртеп узабыз, Казан кинофестиваленә гариза бирү кампаниясе 1 февральдән старт алды һәм 1 июньгә кадәр барачак. Ә фестиваль үзе быел 5-9 сентябрьдә РФ Мәдәният министрлыгы ярдәме белән узачак.
--- |
Иң күп укылган
|