«Билайн» Нәҗип Җиһанов исемендәге “Дулкыннар” бәйгесен уздыруга үз өлешен кертте

2011 нче ел, 3 нче март, Казан. «ВымпелКом» ААҖ Нәҗип Җиһанов исемендәге VI республикакүләм “Дулкыннар” бәйгесен уздыруга үз өлешен кертүе турында хәбәр итә. «Дулкыннар» бәйгесе түбәндәге номинацияләр буенча уздырыла: вокал, нәфис сүз, оркестр һәм уен кораллары ансамбльләре, рәсем сәнгате. Бу елны конкурста 7 яшьтән алып 18 яшькә кадәрге 300 бала катнашты. 2011 нче елда әлеге конкурс мәшһүр татар композиторы Нәҗип Җиһановның тууына 100 ел тулуга багышлана.

Абонентлары белән рус һәм татар телләрендә сөйләшүче беренче оператор – «Билайн» бәйгенең телекоммуникация партнеры буларак үзен танытты. Нәҗип Җиһанов исемендәге “Дулкыннар” конкурсында катнашучыларга бүләкләр бирүдән тыш, оператор аларга җиңүләре һәм алынган тәэсирләре, кичерешләре белән, якыннарына шалтыратып, бушлай уртаклашу мөмкинлеген тудырды.

“Татарстан өчен мөһим булган мәдәният өлкәсендәге проектка чираттагы мәртәбә өлеш кертүебез өчен бик шатбыз. Без балаларга конкурста алынган тәэсирләре белән уртаклашырга булыштык. Бәйгедә катнашучылар туганнары һәм дусларына сәхнә артында ниләр булганы турында куанып сөйләделәр, җиңүләре белән шатланып уртаклаштылар”, – диде Андрей Юдов, “ВымпелКом” ААҖның Казан филиалы директоры.
“Дулкыннар” бәйгесенең төп максаты – Татарстан Республикасындагы сәләтле яшьләрне табу, аларга мәдәният өлкәсендә профессиональ рәвештә үсәргә ярдәм итү. “Билайн”га конкурс лауреатларына бүләкләр биргәне һәм районнардан килүче яшьләргә якыннары белән бушлай аралашу аеруча мөһим булган мөмкинлек булдырганы өчен рәхмәтлебез”, – дип әйтеп үтте “Идел” яшьләр үзәге директоры вазыйфаларын башкаручы Ләйсән Төхвәтуллина.

***
2006 нчы елдан башлап Татарстан Республикасы Яшьләр эшләре, спорт һәм туризм министрлыгы, «Идел» яшьләр үзәге «Дулкыннар» республикакүләм бәйгесен оештыра. Һәр ел саен ул татарның бер бөек шәхесенә багышлана. Узган елларда бәйге Габдулла Тукай, Муса Җәлил, Гөлшат Зәйнашева, Фәнис Яруллин, Салих Сәйдәшевның түгәрәк даталарына туры китереп уздырылды.
Чараның максаты – татарның танылган әдәбият һәм сәнгать эшлеклеләренең тормыш юлы, иҗаты үрнәгендә балалар һәм яшьләрдә милли үзаң, патриотлык хисләре тәрбияләү.

***
"ВымпелКом" ААҖ үз эченә тавыш элемтәсен, мәгълүмат тапшыру, интернетка чыбыклы һәм чыбыксыз чыгу хезмәтләрен тәкъдим итә торган элемтә операторларын берләштергән "ВымпелКом Лтд" компанияләр төркеменә керә. "ВымпелКом" группасына Россиядә, Казахстанда, Украинада, Таҗикстанда, Үзбәкстанда, Грузия һәм Армениядә, Кыргызстанда шулай ук Вьетнамда һәм Камбоджада – барлыгы 340 миллион кешелек территориядә хезмәт күрсәтә торган компанияләр керә. Хезмәтләр “Билайн” товар знагы астында күрсәтелә. “Вымпелком” ААҖ – Нью-Йорктагы кыйммәтле кәгазьләр биржасы листингына кертелгән беренче Россия компаниясе (NYSE). Компания акцияләре анда VIP символы астында йөри иде. 2010 нчы елның апрелендә "ВымпелКом" һәм "Киевстар" ААҖ акция пакетларын туплаган "ВымпелКом Лтд." холдинг компаниясе барлыкка килгәч, VIP символы "ВымпелКом Лтд."га теркәлә.

“Вымпелком” компанияләр группасы шәһәрара һәм халыкара, мобиль һәм стационар элемтә, мәгълүмат тапшыру, интернетка чыбыклы һәм чыбыксыз чыгу, WiFi, өченче буын челтәре хезмәтләрен тәкъдим итә. “ВымпелКом” клиентлары һәм партнерлары арасында шәхси затлар, кече, урта һәм эре оешмалар, халыкара корпорацияләр, элемтә операторлары бар.