Рәшит Ваһапов фестивале тәкъдим итә: Татарның иң затлы яшь җырчылары!

8 апрель көнне Казанда, Г.Тукай исемендәге филармония бинасында зур концерт - Рәшит Ваһапов исемендәге VII Халыкара татар җыры фестивален ачу тантанасы. Катнашалар: Филүс Каһиров, Айгөл Сагынбаева, Рөстәм Асаев, Айгөл Хәйри, Артур Исламов, Илүсә Хуҗина, Сиринә Зәйнетдинова, Рәзиф Кәбиров, Альбина Шаһиморатова, Федор Тарасов һ.б. Фестиваль турында тулырак:

Рәшит Ваһапов фестивале татарның иң затлы яшь җырчыларын җыя:

Фестивальнең гран-при иясе, Татарстанның М.Җәлил исемендәге  Республика премиясе лауреаты Филүс Каһиров.

Фестиваль лауреатлары Айгөл Сагынбаева, Рөстәм Асаев, Айгөл Хәйри, Артур Исламов, Илүсә Хуҗина, Сиринә Зәйнетдинова, Рәзиф Кәбиров.

Бәйрәм кунаклары - дөньякүләм танылган җырчы, Татарстанның халык артисткасы, П.Чайковский исемендәге конкурс лауреаты Альбина Шаһиморатова һәм Мәскәүдән рус җырчысы Федор Тарасов.

Сәхнәдә – Рөстәм Рәхмәтуллин җитәкчелегендәге “Мирас” инструменталь ансамбле.

Проектның авторы һәм җитәкчесе – Татарстанның һәм Россиянең атказанган мәдәният хезмәткәре, Татарстанның М.Җәлил исемендәге Республика премиясе лауреаты Рифат Фәттахов.

Тамаша 18.30 сәгатьтә башлана. Белешмәләр өчен телефоннар: 2960627; 2771822.

Фестивальгә рәхим итегез!