• 26.06-28.08 Театрализованное фольклорное Казан-шоу. Туган авыл.
  • 05.08-15.08 Кыргый планета. Казан циркы. 18:00
  • 06.08-15.08 Салават. 33 сезон. Камал театры
  • 16.09 Niletto. МВЦ «Казань Экспо», КЗ им. И.Шакирова. 19:00
  • 18.09 Хәмдүнә Тимергалиева истәлегенә. УНИКС. 17.00
  • 21.09 Дима Билан. Пирамида. 19:00
  • 16.10 20ел TATAR RADIOSI. Татнефть Арена. 18.00
  • 10.11 Валерий Меладзе. Татнефть Арена. 19:00
  • 14.12-19.12 Илсөя Бәдретдинова. "Фәрештә түгел". УНИКС
Бүген кемнәр туган
  • 05 Август
  • Мәдинә Маликова - язучы
  • Зөфәр Хәйретдинов - җырчы, композитор
  • Наилә Ибраһимова - актриса
  • Салих Баттал (1905-1995) - язучы
  • Фәрваз Миңнуллин (1934-1994) - язучы
  • Рәйхан Халитов - блогер
  • Эльмира Гыйльфанова - җырчы
  • Надир Әлмиев - рәссам
  • Илгизәр Миргалимов (1942-2019) - дирижер
  • Фәрит Шиһапов (1951-2020) - музыкант
  • Гвардейская урамында озак вакытка фатир арендага бирелэ (студент кызларга яисэ гаилэле кешегэ). Фатир беренче этажда урнашкан. Якында гына остановка hэм кибертлэр. 10000 + ком услуги. Телефон 89586247928 (17.00 сон шалтыратырга)
  • Приглашаем на работу водителя кран манипулятора Ниссан, Изуцу. Работа сменная в Альметьевске(оплата за проживание с нас). Зарплата 2300 минимум и +.. Тел.89376209888
  • Исэнмесез. Метро Аметьева, Горьки яки Карбышева, Даурский, Мавлютова урамнары тирэсеннэн 1 булмэле квартира яки бүлмә снимать итәргә эзлибез. Медколледж тирәсендә. Тел. 89600475151
  • Зернодробилка молотковая сатам. Складта бар. Заказга да эшлибез. Төрле иләкле ясап була. 200-700 кг/сэг производительность. Электродвигатель 2,2 кВт/3000 об. Бункеры 40 л. Башка бункер, опорный рама, пульт управления да куя алабыз. Төрле районнарга, төбәкләргә җибәрә алабыз. Яхшы сыйфатлы. Бар деталләрен үзебез ясыйбыз (двигателдан кала). Гарантиясы бар. Татарстан, Яр Чаллы 8 (917) 921 52 90
  • Казан, “Светлый” ЖК (Куюки) 1 бүлмәле фатир озак вакытка гаиләле кешеләргә тапшырыла. 3 этажлы өйдә 1 катында. 49 кв.м. кирәкле җиһазлар бар.Индивидуаль җылыту.Парковка өй янында. Шәһәр автобуслары йөри. 10000 сум+ ком.услуги. тел.89393932099
  • 1.6 яшьлек угез ите август башында суясы .Ботлап.Актаныш районы 89872229472
  • Казан шэхэрендэ субаренда очень 1 булмэле фатир снимать итэм, озак вакытка.тэртип,чисталык,уз вакытында тулэуне ышандырам. Тел. 89179060102. 89274868157
  • Казан, Вахитов районы, Хороводная, 50. 1комн. квартира, 2 лоджия, 51 м2.Риэлторсыз, озак вакытка. 89655886519 ваатсап.
  • Туй, туган көн, юбилей һәм башка уңайдан якын кешегез белән хәтирәләрне теләкләр аша үреп,оригиналь шигырьләр,проза,рәхмәт сүзләре,бәет,җыр текстлары иҗат итәм.Һәр кешегә индивидуаль караш.Кулай бәяләр.Заказлар алдан алына.89083405794 ватсап.
  • Сдаю 1 комнатную квартиру в Наб. Челнах в 62 ком-се молодой семейной паре или двум девушкам студенткам. 89093132683 вацап
 
 

 
Архив
 

               

03.03.2011 Җәмгыять

Күңелем Америкада калды

Америка хыялы – XX гасыр башында барлыкка килгән АКШ халкының тормыш идеалын аңлатучы феномен. Бу – һәркемнең мул һәм бәхетле тормышта яши алуына ышану. Шул сәбәпледерме, Америка бүгенге көндә дә күп кенә кешеләрне үзенә җәлеп итә. АКШка бәхет эзләргә чыгып киткән россиялеләрнең саны да елдан-ел арта бара.

Хәзерге вакытта популяр булган эш һәм уку программалары яшь буынга бу могҗизалы илне күреп, анда яшәп кайтырга күп кенә мөмкинлекләр тудыра. Студент вакытымда мин дә Америкага бару хыялы белән янып йөрдем. Газета битләрендә анда булган яшьләрнең язмаларын укыганда, ирексездән, көнләшү хисе туа иде. Ниһаять, тиздән үзем дә «Work and Travel» («Эш һәм сәяхәт») программасы кысаларында Америкада 3 айдан артык булып кайттым.

 

Алар динле һәм ватанпәрвәр

 

Яшисе һәм эшлисе урыным Мичиган күле буенда урнашкан, беренче күрүдә үк искиткеч матур табигате белән таң калдырган туристлар ял итү зонасы иде. Мондагы кунакханәләр, рестораннар, кафелар, ял итү урыннары хәтта шәхси йортлар саныннан да артып китә. Шәһәрчекнең төп халкын пенсионерлар тәшкил итә. Гел елмаеп, үткән һәрбер кешедән: «Ни хәлең бар?» – дип сораучы ачык йөзле, актив һәм тормышка оптимистик карашлы картлар болар. Америкалылар – гаҗәеп ватанпәрвәрләр, ил флагы адым саен җилфердәп тора, телевизорда төп каналларда бары тик үз кинолары һәм тапшырулары гына бара. Алар балалар кебек: тәмле ашарга, уйнарга, көләргә, күңел ачарга яраталар. Бәйрәм үткәрүләргә дә бик җитди карыйлар. Америкалыларда туганнары белән җыелып, учак янында кич утыру гадәте бар. Әмма алар, бездән аермалы буларак, шашлык ясамый, ә «Smores» дигән десерт әзерли. Бу исә зефирга охшаган кәнфитне («Marshmallow») учак өстендә эретеп, шоколад плиткасы белән ике крекер арасына куеп ашаудан гыйбарәт.

 

АКШ халкы дингә хөрмәт белән карый. Мин яшәгән төбәктәге чиркәүләрнең күп булуы да шул турыда сөйли. Һәрбер өйдә Тәүрат китабы бар. Ашар алдыннан, гадәттә, догалар укыйлар, биргән ризыклары өчен Ходайга рәхмәт әйтәләр. Гайсәнең кешеләргә ярдәм итүе турында сөйләргә яраталар. Шуңадырмы үзләре дә искиткеч ярдәмчел халык. Яңгыр астында калсаң, юлда транспортың ватылса, мөрәҗәгать итүеңне дә көтмичә, һичшиксез, трассадан үткән беренче машина туктап, аннан сөйкемле америкалы чыгып, сиңа үз ярдәмен тәкъдим итәр.

 

Америка халкына хас булган тагын бер үзенчәлек – хәйрия белән шөгыльләнү. Без яшәгән төбәктә дә халык «Bridges» («Күперләр») дигән программаны тормышка ашыру уе белән янып йөри иде. Бу программа нидән гыйбарәт соң? Ул чит илләрдән эшләргә килгән студентларны Америка халкы, аның гореф-гадәтләре белән якыннан таныштыру, буш вакытны кызыклы һәм файдалы итеп үткәрү өчен эшләнелгән чара. Без яшьләр өчен һәр пәнҗешәмбе көнне инглиз теле дәресләре оештырылды. Әлеге дәресләрдә шәһәрнең тарихын өйрәндек, кызыклы темаларга аралаштык, гомумән, тәҗрибәбез белән уртаклаштык. Моннан кала, һәрберебезнең дә китапханәгә йөрергә мөмкинлеге бар иде. Электрон карточка ясатып, бушлай китаплар, дисклар алдык, интернеттан файдаландык. Шәһәрчектә җәмәгать транспорты булмаганлыктан, безне шулай ук велосипедлар белән дә тәэмин иттеләр. Америкада мин төрле илләрдән – Төркия, Албания, Кытай, Украина, Колумбия, Мексика, Болгария һәм Россиядән килгән күп кенә яшьләр белән таныштым.

 

Һәр сишәмбе көнне чит ил студентлары, ягъни безнең өчен төрле ял итү чаралары оештырылды. Тәмле ашау белән беррәттән, бу чаралар җилкәнле көймәдә, каекта йөзү, «Segway» дигән ике тәгәрмәчле транспортны сынап карау, бассейнга һәм гимнастика залына бару, концерт оештыруны да күз алдында тотты.

 

Иң кызык очрашуларның берсе Американың бәйсезлек көнен үткәрү булды. Аны яр буенда учак каршында фейерверклар балкышын күзәтеп бәйрәм иттек. Шулай ук безгә дөньяга танылган «F.С. Porto» Португалия футбол командасының тренерлары белән очрашып сөйләшү, хәтта бергә футбол уйнау да насыйп булды. Болар барысы да «Bridges» программасы кысаларында үтте һәм безнең өчен тулысынча бушлай иде.

 

Яңа «гаиләле» булдым

 

Һәрбер студентның үз «Америка гаиләсе» бар иде. Шул гаилә аны кунак итеп, үзләренең иле, мәдәнияте, яшәү рәвеше белән таныштырды. Мин дә, үз чиратымда, «гаиләле» идем. Мөлаем Кен белән Сигни мине су буена, паркларга, кибетләргә, төрледән-төрле рестораннарга йөрттеләр. Аларның зур йортларында да берничә тапкыр кунак булырга туры килде. Бу йортның матурлыгын сүз белән генә аңлатып бетереп булмыйдыр, мөгаен. Ул мин чит ил сериалларында күргән аерым затлы йортны хәтерләтә иде. Башка америкалыларда да кунак булдым, аларда да шундый ук байлык һәм матурлыкны күрдем. Ачык йөзле, ярдәмчел һәм шат күңелле бу халык күңелебезне күрер өчен вакытларын да, акчаларын да кызганмады. Гомумән, мин америкалылар турында бары тик уңай фикердә генә калдым. Михаил Задорнов күпме генә бу ил һәм аның халкы өстеннән көлсә дә, безгә аларның тормыш һәм мәдәни дәрәҗәсенә җитү, ай-һай, ерак әле.

 

Хуҗалар үзләре белән генә таныштырып калмады, безнең илебез һәм мәдәниятебез белән дә кызыксындылар. Мин аларга Татарстан һәм татар халкы турында сөйләдем, ә студентлар арасында оештырылган концертта татарча җыр да башкардым. Америкалылар арасында Татарстан һәм аның башкаласы турында ишеткән кешеләр дә табылды. Германиядә туып үскән, инде күп еллар АКШта яшәүче бер музыкант Казан консерваториясен аеруча мактап сөйләде.

 

Американың төнге барларында да булырга туры килде. Барысы да нәкъ кинодагыча: яшь рок төркеме җыр башкара, яшьләр, аеруча байкерлар сыра эчә.

 

Эш мәсьәләсенә килгәндә, АКШта теге яки бу хезмәттән оялу юк. Гади эшчеләргә дә хөрмәт зур. Хезмәт хакын ике атнага бер мәртәбә, чек белән алалар. Азык бәяләре, ипидән кала (1,5-5 доллар), бездәге кебек, электрон техника арзанрак, киемнәрне дә очсыз бәягә табып була. АКШта хезмәт хаклары бездәгедән күпкә югары.

 

Иленә бәя бирәсең килсә, бәдрәфенә кер, дигән ярымшаян гыйбарә бар. Америкада алар зур, иркен, чиста һәм хуш исле. Ә иң мөһиме – анда керү бушлай. Халык өчен һәрбер кибеттә, кафеда яисә автозаправкада бәдрәф бар.

 

Җәй ахырына якынлашты, туган илгә кайтырга да вакыт җитте. Юлым Чикаго аша үткәнгә, мин бу шәһәрдә өч көнгә туктап, аның белән якыннанрак танышырга булдым. Чикаго мине үзенә тәмам гашыйк итте. Тарихи үзәгендәге күккә ашкан биналары, чиста урамнары, яшел парклары, җайлы транспорты һәм мөлаем халкы белән яулап алды ул минем күңелне. Чикаго – блюз һәм джазның туган ягы. Мондый концертларны паркларда бушлай да карарга мөмкин. Бу шәһәрдә Американың иң биек бинасы («Уиллис-Тауэр» – 442 метр, 110 кат) һәм иң яхшы зоопаркларының берсе урнашкан.

 

Американы күрү үзе бер бәхет иде. Самолетка утырып, күккә күтәрелгәндә, күңелне ниндидер авыр хис биләп алды. Хыялый ил һәм аның шат йөзле, гаять кешелекле халкы белән хушлашасы килмәүдән туган халәт иде бу.

 

Кызыклы фактлар:

 

* Америкада кайнар чәй эчү гадәте юк. Ашаганда йә бозлы су, йә содалы эчемлекләр кулланалар.

 

* Америкада карабодай сатылмый, алар хәтта аның нәрсә икәнен дә белми.

 

* Велосипедта йөрү зур шәһәрләрдә дә бик киң таралган.

 

* Америкада барлык яшүсмерләр дә диярлек машина йөртә белә.

 

* 21 яшькә җитмәгән яшьләр төнге клубларга кертелми, кибеттә паспортсыз алкогольле эчемлекләр ала алмый.


Эльмира КӘРИМОВА
Шәһри Казан
№ |
Шәһри Казан печать

Фикерләр

Исем:
E-mail:
Текст:
 
№12 (73862) / 07.03.2011 21:38:21

Барыгыз да ычкыныгыз Америкага.Ботен явызлык шулардан.

№11 (73859) / 07.03.2011 19:45:30

Равил әфәнде,сезнең үпрек кемгә юнәлгән?
Безне эш белән тәмин итмәгән илгәме,тир түгеп эшләүче безләргәме??

№10 (73858) / 07.03.2011 19:34:56

Америка бөтен дьяны ялганнап талап ята. Шуңа күрә анда яшәве күңелле. Безнең әби-бабаларбызның песиясен кризис дип 2 000 000 000 000 сумын еләктереп кесәсенә салды.
Шул гына мени. Әле ел саен меңләгән яшьләр шул америка картларын ашатырга дип эшкә чыгып китәләр...
Аннары аннан долларын тытыпалып килеп мондагы әби-бабалраның базарына килеп бәясен күтәртеп йөриләр...

№9 (73427) / 03.03.2011 22:29:59

их,яшисе иде шунда!

№8 (73404) / 03.03.2011 21:00:25

Яхшы материал!!! Мин Америка барасым килә. Эльмира! Рәхмәт сезгә!

№7 (73367) / 03.03.2011 18:47:09

Ис китәрлек... Мәкалә могжизалы әкиятне хәтерләтә! Сәяхәтләр, ерак илләр - минем гомерлек хыялым. Конләштерден, җәлеп иттең, кызыксындырдың, Эльмира! Рәхмәт сезгә!

№6 (73365) / 03.03.2011 18:38:35

Безнен инглиз теле укытучысы да чит илгэ барганда куп итеп карабодай ала иде... мин дэ аннан башка туклануны куз алдына китермим.... Ник юк икэн ул аларда? кызык)

№5 (73342) / 03.03.2011 16:56:29

Э кем Америкадан колэ монда?

№4 (73335) / 03.03.2011 16:30:11

Халык үзе турында уйлыйсы килми икән,аның өчен кем уйласын.
Әйт әле, син минем турыда уйлыйсыңма? Мин синең турыда уйлаганым юк. Шулай булгач, кемгә кирәк син белән мин. Нигә кемдер минем турыда уйлап утырырга тиеш?
Аңлый алмыйм мин сезне.

Без халык түгел - быдлолар!!

№3 (73329) / 03.03.2011 16:00:14

Күпме сөйләсәк тә, Россиядә һәм дә Татарстанда андый тормыш мәңге-мәңге булмаячак.Бездә халык турында уйлаучы юк.

№2 (73325) / 03.03.2011 15:47:40

Америкадан акылы тулы булмаган кеше генә көлә ала. Яхшы халык, ярдәмчел.Гыйбрәт өчен урыс халкы белән чагыштырырлык нәрсәләре күп. Әйтик, урысия кешесе өч кат тимер ишек, өч метрлы койма артында яшәсә, американнарның бай өйләренә урамнан бары бер сукмак керә, кемдер талар дигән курку юк аларда, патамушты законнар каты чит билмәгә рөхсәтсез кергән кешегә.

№1 (73323) / 03.03.2011 15:13:28

Хатирэлэрем янарып китте укыгач. Америкада рэхэт яшэгэн булсам да, читтэ яши алмавымны анлап, уз илемдэ яшисем килеп, сагынып кайттым.

▲ Өскә

Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Татарстан Диния нәзарәте
ЕлМай
Татар телен саклау һәм үстерү мәсьәләләре комиссиясе
«Элита»
Piter.tatar