|
|
Бүген кемнәр туган
|
|
Архив
|
12.01.2023 Хәвеф-хәтәр
![]() Петарда шартлаткан баланың бармаклары сынганАрхангельск өлкәсендә 11 яшьлек малай петарда аркасында бармакларын сындырган. Бу хакта Русия Тикшерү комитетының төбәктәге идарәсе хәбәр итә. Пиротехник эшләнмәне малай 1 гыйнвар көнне Мирный шәһәре кибетләренең берсендә сатып ала. Тикшерүчеләр ачыклавынча, сатучы мәктәп укучысына петарданы куллану кагыйдәләрен аңлатмаган. “Малай тышта кулына тоткан килеш петардага ут төрткән. Нәтиҗәдә аның бармакларының фалангалары сынган”, – диләр ведомствода.
Тикшерү комитеты балага петарда саткан шәхси эшкуарга каршы “Кулланучылар гомере һәм сәламәтлеге таләпләренә җавап бирмәгән хезмәтләр күрсәтү” маддәсе буенча җинаять эше кузгаткан. Вакыйганың нечкәлекләре ачыклар өчен тикшерүчеләр тартып алынган документларны өйрәнә һәм шаһитлардан сорау ала. Шулай ук төрле экспертизалар да билгеләнгән.
Чыганак: lenta.ru
Фото: Фрипик.ру
Автор:Әлфия Шакирҗанова
--- |
Иң күп укылган
|