|
|
Бүген кемнәр туган
|
|
Архив
|
10.01.2023 Хәвеф-хәтәр
Кышкы салкында 40 минут буе 73 метр биеклектә аттракционнан төшә алмыйча утырганнарЧиләбедә 73 метрлык Феррис тәгәрмәче (колесо обозрения) ватылган. Бу вакытта тәгәрмәчтә 6 кеше булган. Алар 40 минут аттракцион кабинасында утырган. Вакыйга 5 гыйнварда шәһәрнең мәдәни-күңел ачу комплексы территориясендә теркәлгән. Чиләбедә ул көнне -15 градус салкын булган. Төбәкнең Сәламәтлек саклау министрлыгында хәбәр итүләренчә, русиялеләрне югарыдан төшерер өчен Гадәттән тыш хәлләр министрлыгы коткаручылары һәм ремонт хезмәте ярдәме таләп ителгән. Кичергән стресс аркасында бер кеше ашыгыч ярдәмгә мөрәҗәгать иткән.
Гаиләсе белән аттракционның иң югары ноктасында туктап калырга мәҗбүр хатын күңел ачу комплексы хезмәткәрләренә ярты сәгать дәвамында шалтыраткан. 112 хезмәтенә шалтыраткач кына аптыраудан гаҗиз булган русиялеләргә коткаручылар җиргә төшәргә ярдәм иткән.
Видео язмасыннан күренүенчә, кешеләр туктап калган аттракцион кабинасында утыра. Кадр артында хатынның елавы ишетелә. Бу вакытта янәшәдәге ир телефон аша ярдәм чакыртып маташа. “73 метр биеклектә гаиләң белән утырганда сине беркем дә бик озак ишетмәү бик куркыныч”, – дип сөйли хатын.
Күңел ачу комплексының генераль директоры аттракционның туктап калуын ут сүнү белән аңлаткан.
Чыганак: lenta.ru
Фото: Фрипик.ру
Автор:Әлфия Шакирҗанова
--- |
Иң күп укылган
|