|
|
Бүген кемнәр туган
|
|
Архив
|
23.12.2022 Мәдәният
Хәзерге ирекле рәссам ничек көн күрә?Талантлы рәссам, Татарстанның атказанган сәнгать эшлеклесе, рәссамнар даирәсе лидеры Илнур Сираҗиев заманында Казанда сәнгать академиясе ачу теләге белән янып йөргән кеше. — Мондый академия ачкан очракта, анда яшь иҗатчыларны академик сынлы сәнгатькә, сәнәгать дизайнына, милли зәркәнчелеккә, ландшафт дизайнына, милли керамикага, пыяла, металлны сәнгати эшкәртүгә өйрәтә алыр идек. Театр, кино, анимация рәссамнарын да әзерләр идек. Ә иң мөһиме — үз реставраторларыбыз булыр иде, — дип борчыла рәссам. — Хәзерге ирекле рәссам ничек көн күрә? — Ирекле рәссам сыйфатлы картиналар язып, шуларны сатып көн күрә. Кайбер рәссамнар осталык дәресләре бирә, икенчеләре уку йортларында укыта.
Картинаң яхшы булса, сатып алучы табыла. ТР Мәдәният министрлыгы дәүләт музейлары өчен дә сатып ала. Ирекле рәссам, әгәр ул уңышлы ясаса, бик бай була ала, андыйлар картиналарын берничә миллион доллар дип бәяли һәм саталар да! Рәссамга хәерчегә караган кебек караш юк инде.
— Республикада Казаннан кала кайсы шәһәрнең сәнгать үзәге эшчәнлеген мактый аласыз?
— Алабуганы. Алабуга дәүләт музей-тыюлыгы белән берлектә уздырыла торган Халыкара заманча сәнгать арт-симпозиумнары — моңа мисал. Быел ул 17 нче тапкыр үтте. Анда Россия, Азәрбайҗан, Казахстан һәм Үзбәкстаннан 35 рәссам катнашты. Алабугадагы Заманча сәнгать музее эшчәнлеге искиткеч. Музей-тыюлыкның генераль директоры Гөлзада Руденко шушы музей өчен 2000 гә якын әсәр туплады, анда чит ил рәссамнары эшләре дә бар, чөнки пандемиягә кадәр арт-симпозиумда катнашу өчен ерак илләрдән дә килделәр, һәрберсе 2-3 картина язып, музейга бүләк итте, бу хәзер дә шулай.
Зилә НИГЪМӘТУЛЛИНА |
Иң күп укылган
|